歐洲大減價

最近歐洲這邊很多店鋪都大減價，連超平的PENNEYS都有打折。前一晚，醫師叫我今天早點起身去逛一下PENNEYS，買了超平既底底。HAHA。原價€3，打折之後€0.50。就連下班都去多一次兜一轉，買了個窩釘洗蘇袋€8，不是特別平，而是買來襯衣服用的。呵

約好了明天又要早出門再逛，要做一開門第一個入去的客人。我還未出糧，不斷在吃老本啊。

RIVER ISLAND 50% OFF，但我想要的款沒有打折，我要等有DISCOUNT啊，好貴啊。

同醫師夾份買了一盒雪糕，一人食一個，發現好好味，再一人食多一個，之後一人再買多一盒。我未試過一日食兩個雪糕，以前點都會忍口一下，我想我會變一個大肥婆啊。嗚嗚

買ONION被醫師話買了些已發芽的；買豬肉唔知邊到係肥膏；買彊被說老。我有什麼可能會懂得看，在不斷向家庭主婦邁步。我想我將來會成為好出色的家庭主婦。(有什麼好炫耀啊，POOR ME!!!!!)

尋日漏左打：RAYMOND尋日去左CAVAN店跟BOSS說我做CUPPING + MASSAGE好，他回來給醫師罵慘，他竟然笨到走過去跟BOSS說我做MASSAGE好，激死我啦。我知道他很不捨得我，但中國人老板跟外國人老板不一樣的，不會因為這樣讚我就可以繼續留係NAVAN。因為老板只想知我做MASSAGE好不好，過去做骨妹。好慘哦。

DEBBY家查聖經

今天星期三客人很多，客人出奇地好似星期五﹑六咁多人，時間表由十點半忙到四點，KEEP住每小時都有人，連食飯時間都要DELAY DELAY。

我也幫手做一下CUPPING + MASSAGE，錢錢錢不斷進來啊。(錢不是我的，幹MA這麼開心啦)

之前約好了去DEBBY家查聖經，她在公司門口接我去她家。跟朋友說，都叫我小心﹑還問為何膽粗粗跟上車﹑還跟去她家。其實我覺得她們一家人很好啊，也可以體驗一下在外國朋友家的感覺和一起查經。她們說看書，讀一次內容，問一下問題，答一下。感覺挺好啊，覺得蠻好玩，她們不斷讚我英文好啊。(根本就把我跟未學過英文的中國人比較)，問我是不是有英文課和考試。

DEBBY用一些很簡單的英文跟我說，所以基本上是全聽懂啦。而且我用僅有既英文答問題，她們都明我說什麼(基本上每題都係我答既。)她們一家人都坐著一起查聖經好正啊。我拎住中英文VERSION係到睇，發現這樣可以學到更多生字啊，哈~~而且我覺得英文版本DEEP D﹑明D。

還約了下星期同樣時間﹑地點等，我真的很想每星期都可以這樣，我已經急不及待想快點到下星期啊。

回家，不斷B LI 巴喇跟醫師分享。

今天看的經文，其中一段。

7:7		你 們 祈 求 、 就 給 你 們 ． 尋 找 、 就 尋 見 ． 叩 門 、 就 給 你 們 開 門 。
7:8		因 為 凡 祈 求 的 、 就 得 著 ． 尋 找 的 、 就 尋 見 ． 叩 門 的 、 就 給 他 開 門 。

 KEEPING PRAY﹑KEEPING SEARCH﹑KEEPING KNOCK，
連續做，不要只PRAY FOR ONE TIME。

DEBBY說要有BIBLE KNOWLEDGE才可以BAPTISM，她說我都知道幾多。(都說我返教會有四年囉。)

下星期約好了在她家吃飯，好想快點到啊。

在這里晚上真的一點活動都沒有，煮飯煮飯，這是唯一可做的事。不想提早變師奶。

P.S 我要祈禱希望BOSS改變決定啊。

第一次做CUPPING

鑑於上次把店外的蜘蛛網拆掉之後，很多蜘蛛走進來店里。連坐著也有蜘蛛在手上爬過，把我完全嚇掉，完全不敢再把牠們拆掉，是我錯，不要再找我啦。

醫師問男友借了吸塵機把整間店吸一次，就連下班都把家里吸一次，現在家里超級乾淨。好爽哦。起碼不用見到嘔心的頭髮在房間的地下。簡直累透啊。

跟醫師輪住幫對方做一下CUPPING，她說想不到我人仔小小還這麼有力啊，還說我吸得好。我第一次做CUPPING啊，成個BACK勁多淺紫色的印啊，我返到HK都要幫家人做下先。把身體的HEAT都吸出來。

RAYMOND的性格超級好啊，他下班幫我去DUBLIN那邊的亞洲行買陽春面給我，駕車要一個多小時啊。因為在這邊的TESCO只有意粉吃，超級想吃面條啊。

弄個蕃茄做湯底，超級好味啊。

我開始有點懷念吃河粉﹑米粉的感覺，下次回DUBLIN那邊要買多一點點回來啊。

來點小衝擊

在NAVAN這里上班已經搭入第四個星期，才剛剛認得所有的客人，跟他們才剛剛熟悉。老細今天來店里跟我說，準備兩個星期後轉去CAVAN店。聽完之後，真係好灰啊。雖然我來到這里只是過了三個星期左右，但我對這里所有東西都充滿了感情。有醫師﹑RAYMOND﹑DEBBY一家，最不開心是我剛剛才返了一次教會就要走，真的很無奈啊。

或許之前一直都過得太如意啦，來點衝擊吧。世事真的很難如計，昨天還在快活過，今天就要擔憂之後的路。唉。

不過想一想，如果這個是天父的旨意，去到另外一個TOWN，可能會有更好的預備呢。算啦，不再想啦，TAKE IT EASY，盡情ENJOY這幾個星期在NAVAN的日子。

P.S 老細係一個成日改變想法的人，希望他停一停，再決定啦。

晚餐食了昨天煲的蕃茄薯仔牛肉湯﹑仲有呢個黃瓜涼伴。最近英國的蔬菜類出了問題，蔬菜都要煮熟才可以食，但我呢個黃瓜涼伴當然要生食啦，熟左怎叫涼伴呢。應該都不會出問題的。(自己在安慰自己)

昨天買了一大盒牛肉碎，800G，一個人怎樣食完它啊。煲湯只用了一小盒，想了法子把它用光，弄牛肉球啦。用蔥爆一爆它，好香的。口感似漢堡扒那般。好味的。

我好像很快活般過師奶生活啊。一有時間就上上網找一下食譜。我喜歡簡簡單單般過日子，這樣我已經覺得好滿足﹑幸福。

第一個月的總結

今天剛好是我來愛爾蘭的第一個月，這個月感覺發生了很多事，而且每個問題都解決，現在一切好像很平淡的，像是在這里幾個月的感覺啊。當然很多東西都需要有進步的空間，每一樣都要慢慢去改進，我相信我可以做得到。

天氣：
剛來到愛爾蘭，感覺這里很冷很大風，每天都要穿著一件大褸出門，感覺每天都吹到頭痛。不過現在適應了，不用每天穿得腫腫。但這里最不好，就是天氣變化無常，早上SUNSHINE，突然RAINING，又轉返SUNSHINE，就這樣來回幾次。因為我每天上班都對住門口，所以成日留意到。本地人對這些都習以為常，因為出面下雨時，見他們都是慢步慢步咁行，毫無影響般。問過RAYMOND是不是因為這里大風又常下雨，所以這里的人少頭髮﹑髮線向後。哈

住屋：
原本最初時，打算在首都DUBLIN那邊租SHARE HOUSE，想試一下與外國人生活的樣子。但因為工作有包住的地方，這計劃沒有了，不過我相信之後總有機會的。

工作：
像上面那樣說，初時沒有打算下鄉找工作的，因為大部相熟HK WHV都在DUBLIN那邊，還不想遠離人群，(因為我是一個痴身﹑依賴的人)，見別人找包食住的工，跟風般跟別人一起找，我想這也是無心插柳吧，想不到自己來到這里一個星期便找到工作。還是第一份見的工，自己都覺得幾快啊。回到正題先，在這里要幫客人做CUPPING﹑MASSAGE (HEAR﹑NECK﹑SHOULDER﹑BACK)﹑EAR CANDLE，這是我暫時學到的東西。閒時派派傳單﹑清潔一下店里﹑賣藥﹑SELL PACKAGE。每一樣都在起步階段，我不像醫師那樣，每一樣東西都聽得懂別人的需求，但我會在這里好努力去學。我來的其中一個原因是想英文比以前好，現在每天見到的客人都是外國人，我想這樣應該會每天累積的。我在等待學有所成的那一天。哈

教會：
來到愛爾蘭第二個星期，已經有人教我怎樣去基督教會，但因為醫師安排RAYMOND帶我去玩(其實都係自己貪玩既)，就MISS左那一次機會。想不到昨天有人派基督周刊，像是提醒我一般，已經有一個月沒有返崇拜啦。聖經說不可以停止聚會，覺得自己太懶啦，沒有什麼重要的東西，我也不想再MISS啦。而且給我找到一家很好的基督徒家人，不想失去啊。

朋友：
透過FACEBOOK的關係，認識了很多在之前HK沒有見過的人，來到愛爾蘭這邊大家聚在一起。我真的很懷念頭一星期在DUBLIN的生活，每天晚上都去他們家食飯﹑玩CARD GAME。來到NAVAN的頭一星期，每天看到回DUBLIN的巴士都很想回去，因為那邊就像有家的感覺，很想回到家里的一樣。在NAVAN﹑第一個認識RAYMOND，係一個好NICE的人，悶仲可以打去找他聊天，說完自己想說的就可以收線，哈。還有今天在教會認識DEBBY一家，我想之後會成日跟她們CONTACT的。

生活：
由一個在家懶到條蛇般的人，來到要一個人去照顧自己生活，什麼東西都要自己去準備﹑購買。之前一直很多朋友都覺得我不能自己照顧自己，很快便會回香港，但結果出奇地我在這里很享受一個人過著清閒的生活。反而不想這一年太快過去啊。

廚藝：
由最初一隻蛋點樣去炒都不懂，現在都可以炒到半隻完整的蛋，已經係一個超大的進步啦。每天都在想買什麼東西﹑煮什麼東西﹑想吃什麼東西。好像變了一個家庭主婦般啊。還上網找一下食譜研究下有什麼餸容易煮。

家人：
最初從表妹﹑弟弟分別知道父母很擔心我，擔心我一個人不安全﹑吃得不夠飽等等。今天終於約到時間跟他們詳談大半小時，以前都還沒有跟他們面對面說這麼久啊。事後，弟弟跟我說爸爸﹑媽媽見到我很平安﹑仲肥左，他們都開心 + 放心。我開心因為我覺得自己終於做到些東西令家人放心的事。我不想在你們心中是一個永遠長不大的小孩，我是可以照顧自己的。

金錢：
因為之前沒有給過租屋錢，所以有很多CASH係身上，呢D就叫有錢就身痕。這一個月用了很多，但之後的一個月我會限住自己用，因為我要努力儲錢，為北歐之旅準備啊。

我想應該打得差不多了，應該沒有遺漏的東西啦。哈

P.S 還有遇到一個很NICE的人。

返教會

每星期都是等這一天，因為返六天工作才有一天休息，真的累死啊。雖然每天不是很多工作做，但返慣五天工作的，一下子轉六天，有點累的。不過見在「錢」份上，怎樣累，也要撐著。

昨天約好了時間DEBBY在公司門口等，她車我去教會。第一次這樣跟人上車，不知為何個心不是太害怕啊，反而好相信她們。如果給家人知道，我咁樣跟人上車，實殺左我，好彩唔知JA。

原來她是牧師的太太，在這里崇拜跟香港的不同，它就像把星期六的團契和星期日的崇拜縮在一起，頭一小時是證道，之後睇一些內容大家彼此分享(牧師問問題，會眾舉手拎咪作答，很多人都好踴躍) 她們很好人的為我預備了中文版本，但我都不知道他們說到哪，便拎埋英文版本，再看中文。而且她們說得很快，我只聽懂少少JA，POOR ME!!!!

整體，我好中意這間教會啊，雖然全場得三十個人左右，但每個人都好NICE啊。DEBBY還約了我星期三晚上放工之後(六點三)在公司門口等，去她們家睇聖經，雖然有點大膽去別人家，但我想應該也OK的。

在這里，她們一家是我在NAVAN的第二個朋友，很開心啊，覺得自己好幸運認識好多好人啊，AMEN~~

同埋，DEBBY讚我D英文很好，我發現她們應該將我同中國人比較，所以覺得好好。不行，我要跟外國人比較，我要努力練好D英文先得。

RAYMOND問我今日出不出去玩，但今天有點想留在NAVAN HEA一下，所以拒絕了。

一個人去了HIGH TEA，盛惠€6，食到好飽啊。見每個人都叫COFFEE飲，都跟住試下啦，好苦，我真是不適合飲COFFEE啦。

一個人在TESCO逛了兩個小時啊，搵調味料都找了很久啊，打了返HK叫肥雞查字典，哈。

一個女孩子抬這麼多東西好辛苦啊，但我又好喜歡逛超市的感覺，為自己每天的晚餐去準備。感覺好幸福哦。

是日晚餐兩大碗蕃茄薯仔牛肉湯(右邊的)，找不到免治豬肉，肥雞提議用牛肉，口感也不錯，不過看到明天還有成大半盒牛肉就想死，一個人買餸真的好辛苦啊。

左手邊是為明天下午弄的炒公仔面，還弄了個青瓜涼伴，放了進雪櫃明天吃。我喜歡星期天悠悠閒閒的做想做的事。

P.S 這里的小孩十級討厭，今日比小孩噴水在腳上，還跟我說RAINING RAINING，無聊。
還有一大堆好鬼悠閒的青年，「了」我，我連望都不想望他們啦。

成功SALE出去啦

今日的工作BOOKING也是滿滿的，不過初時都不敢抱太大期望啊，因為昨天原本也是FULL FULL的，因為下雨有兩個客人都沒有來。

所以我很喜歡SUNSHINE DAY，因為RAINING = NO PPL = NO MONEY，哈哈。

整天真的忙到不行，除了BOOK左的客仔之外，仲來了兩個WALK-IN客人。跟她們談TREATMENT PLAN，BUY 10 GET 2 FREE，成功啦，一係談不成，一談便談掂了兩個。是日生意很不錯啊，是我上了三星期最好的一天，很有成功感啊。

之前一直總覺得向人SALE東西會很尷尬﹑不好意思的感覺，但在這里當作與別人聊一下天，學習下英文這樣，而且這里SALE別人的手法，不像香港的厚著面皮，死SALE爛SALE咁，因為這里既人適合就會要，不想要的怎說都不會要的。

以前在HK做PART-TIME SALES時，規定我一定要死SALE爛SALE，令我好討厭啊這種感覺。這里很好，把內容說一遍就行。

中午坐著坐著時，有一個黑人的小孩子(不懂得看黑人的年齡，感覺比我小啦)，走入來給了我一本中文的基督教周刊給我看。之前一早想好，明天去家附近的CHURCH，但現在有人那書給我看，問一下他的教會在哪。他畫了個地圖給我看，我跟他說自己找一找就行，還答應明天見去。

他走了之後，怕我不懂得怎樣去，叫了他媽媽特意來店里教我怎樣行，最後決定是明天車我去，好好人啊。雖然有點膽粗粗上陌生人的車，感覺他們都不是壞人啊，而且世人那來這麼多壞人呢。醫師說這個小孩子每個月都來給周刊的，終於找到基督徒跟他去。HAHA，我覺得這一切都是安排好的，提醒我來了愛爾蘭差不多一個月，係時候要固定返返啦。好開心哦。

太累啦，連飯都不想吃啊，是但煮埋一掂既PASTA，成日食PASTA悶死囉。呢幾日食飽飯都忍唔住食YOGURT﹑CHIPS，我會變肥婆啦。

POOR ME

又因為D小事而不開心啊，覺得自己英文水平很差，好灰啊。客人入來說要什麼藥，我又聽唔明白佢想要既野。

今日個客打黎問買有冇CABLETS，我又不懂得CABLETS是什麼意思，我認知藥既英文有「MEDICINE」﹑「PILLS」。之後問他FOR 什麼，他答我SEX WO。之前醫師話很多時臨放工會有人會打來問有沒有提供SEX SERVICE，佢仲要問我6點半來行不行，(OPEN HOURS：1000-1800)，心想有可疑WO，就同佢講我地冇SEX SERVICE提供啦。回家查字典，原來CABLETS是藥的意思，他是問我沒有性藥。我就這樣放左了個客仔啊。SO POOR AR ME~~

這WK日日係不斷落雨，都已經不多客仔，我還不斷放走D客，激死我了。我好苦惱自己做咩英文會差成咁。

同人推介PACKAGE，十個十個都說逐次付錢可以，灰爆啊。或許他們根本不CARE D錢。每次都好努力去預備，但都失望而回，究竟D人係點樣SELL到D客仔返黎GA。

今日煮飯都沒有太好的心情啦，是日晚餐是黑椒牛肉火腿蛋炒飯。

今次將D飯煲久一點，真係沒有上次咁硬，好很多啊。食完沒有胃痛的感覺，原本仲打算將另外還未開的那一盒飯毀銷滅跡，現在可以用來煮炒飯，不錯，蠻香啊。

P.S 今日有個客仔讚我有「HAPPY FACE」，說我成日笑。當然啦，我做服務行業MA。哈

都係忍唔住手啦!!!

原本今個星期過左四日，見自己用左€16.XX，好開心自己過左半個WK用得咁少啦。點知醫師說放工去下行街啊。見到件衫好令，拎左入FITTING ROOM試啦，一試上身，超愛啊。原本想忍手唸下先買，但醫師不斷叫我買，自己又好想要WO，最後敗掉了，不過真係好抵，原價€38，家下半價JUST€18。

其實都唔知幾時岩天氣著，純因為穿上身好鐘意而買，不過有人說拎張收據可以向佢CLAIM錢，我實會問你拎既，HAHA。

唔知點解，係HK百幾二百蚊既衫我都會唸下買唔買，但拎到€1X既衫就覺得好平，係唔係位數既問題令我有錯覺呢。

之後去TESCO買左D CHIPS﹑朱古力手指餅同埋一支半價既OLIVE OIL，埋單都係€5.62。好抵啊，醫師說用OLIVE OIL會對皮膚好D GA。

行到七點幾，餓到肚仔死死下。是日既餸：牛肉粒﹑黃瓜﹑腸仔炒PASTA。又比醫師話唔MATCH D餸，算啦，賣相不錯就行。

醫師說瓜淡既，哈，因為我冇落鹽啊，我呢個冇鹽者，都冇買到鹽返黎用。下星期先去買啦。其實我覺得唔加鹽淡淡地都OK啊，我已經食到冇咩特別感覺。

之後醫師去她男友家，我都走左出去跑左一個圈返黎。途中，係草地上方有幾個幼稚精係到大叫「噫啊噫啊!」人地跑步都有阻住你咩，天都未黑係到飲酒。

不過，食飽飯去跑下步都不錯啊。最近餐餐都食得太多，我想我會變肥婆啦。

自信在哪???

醫師前幾日說老闆打去同佢講，之前個助理唔識得SELL藥，尋日老闆打黎又叫我有心理準備遲些調鋪。感覺醫師今日故意唔幫我同D客仔講野，好驚啊，我真係唔夠自信啊。討厭啊。

不過，我JOIN WHV都係想練多D英文，家下有機會，但有好細瞻WO。唉~~

苦惱苦惱~~

今日都幾多客仔，多到都冇時間出去派單張。因為D客仔係一個個接住咁黎。我只係坐係到收錢收錢。中午個陣，有對聾啞人仕入黎問野，佢打左係部電話到，我地用電話打MSG講野，好年青既情侶啊。

臨收工，有個婆婆做MASSAGE，幫她按左幾下，發現左有「老泥」囉，呢度D婆婆究竟幾多日先沖一次涼呢??? 係咁潑開D黑色物體，嘔心死啦。
晚上又一個人煮野食，今晚都係PASTA，之前買左盒BEEF，已經調好味道既，好好味啊。下次都係買D調好味道既肉。茄汁黑椒牛肉﹑腸仔﹑火腿PASTA。飯後果係CHESSE CAKE 味道既YOGURT，好FULL啊。呢個星期日日都食都好飽啊，我會變肥婆啦。嗚嗚嗚!!!

壞心腸的小孩

今日NAVAN既天氣認真討厭，晴天->下雨->晴天->下雨，仲要行埋雷。

想鼠出去派傳單解下悶都唔得，激死啦。下雨天，生意不是太好，坐著超悶，跟其他WHV SD SMS才勉強撐一日。

老細中午打過黎，問我做得開唔開心，仲同我講要有心理準備轉其他分店做，超唔想囉。唔想呢日咁快到啊，醫師聽了好不滿，她不滿老細成日要佢培訓人，唉!!!

有一個婆婆入黎時，我見到佢頭髮吊住左隻蜘蛛，以為自己拆左D蜘蛛網，D蜘蛛放肆係人地個頭爬行啦。好心幫佢捉走+殺死佢。後尾，醫師同我講個婆婆背部好DIRTY，咁我同返醫師講我地鋪頭既蜘蛛爬左係人地個頭到，醫師話佢入黎冇耐見到，就唔係我地鋪頭既。等我仲以為係我地既，幫佢殺左佢，我下次唔想再碰D蜘蛛啦。

之後RAYMOND黎，幫佢做EAR CANDLE，完全冇技術既東西。太易學懂點做，但冇咩人會做呢個LOW，練習機會好微囉。

我覺得一個人真係好難買餸，基本同出去食個價錢好似差唔多咁。醫師提我D BURGER MEAT放左好耐，但我今餐想食魚，怕魚放太久會變質，生菜又明天過期。

攪到分開兩餐整，真煩啊。

SALMON個樣好似三文魚，好想生食佢既衝動。魚開左，都唔敢留第二天，怕會壞掉。

就一個生菜同魚，都要3.49€，搵日去食下M記好過，又唔洗又唔洗煮。

煎左BURGER﹑火腿﹑生菜，仲有CHESE，做明天既LUNCH啦。

一個人在TOWN晚上真係好悶，煮完飯，每天都留在房上網。因為太晚都不是太敢出去。雖然十點先天黑，但街上都不是太多人，都是不出好點。一路上網﹑一路食薯片，想起老媽子放左幾包二十四味沖劑比我，沖左黎飲，怕熱氣死啊。我想飲湯啊。

這里既小朋友好討厭的，之前醫師說小朋友會蝦人，我家下真係信囉。尋日買野回家時，手上拎住一大袋野，比一堆小朋友入面既其中一個，用野扔向塊面既位置，好彩行慢左一步，啤返住佢地，都唔明有咩好玩﹑有咩好笑。幼稚﹑無聊﹑冇教養!!!!!

拆蜘蛛網+蕃茄蝦湯飯

因為今日十點要返工，尋晚又唔想咁晏又DUBLIN搭車返NAVAN，所以今朝超早起身。七點鬧鐘響換衫﹑刷牙出門口，去BUS EIREANN「狗巴」總站。原來拎國際青年證出黎比佢睇，可以當STUDENT既DISCOUNT，不過聽講只限巴士上買票，在買票站買就不行。

由NAVAN去DUBLIN既RETURN票都係14.XX€。我第一次去個陣，買SINGEL TICKETS都要11.XX€。

係架巴士到不斷釣魚，眼訓死我啦。一入屋企門口，醫師同我講佢男友星期六晚上整左個燭光晚餐比佢食，仲要全都係佢中意食既野。還說她男友好像愈來愈喜歡她啊。

之後一齊上班班，第一個客仔做CUPPING，家下愈來愈熟手啊。好捧哦我~~

做CUPPING個陣，見到個客個頭髮有隻好細粒既蜘蛛，以為佢DIRTY啦。落去同醫師講，醫師話之前都見過其他人身上有，應該不是他們問題，而是我們店多蜘蛛。應該係我把門口個幾個蜘蛛網拆左，所以佢地走曬入黎，好恐怖啊。

每個星期頭幾日都比較得閒，發發夢便一天過去。趁空檔，打了給豬珊和沈沈她們，難得個電話台可以打到比HK手提NO. ，珊同男朋友行街街中；沈佢地唱K；而我在上班，唉!!!

放工醫師趕住男友家，今日自己一丁友去逛TESCO買一星期既餸。其實，我仲中意一個人去行，可以慢慢睇，睇到岩為止，東唸西唸，東價西價。

3 FOR 9€，買了SALMON，牛肉同蝦。其實想食蝦好耐啦，但要3盒先有得平，今個WK食得豐富D啦，決定少買無為用品啦。(都係聽住我講先啦)，買左咁多野都係用左14.XX€ JA。

基本上買親都係TESCO牌子啊，因為會平D啦。見到有方便飯買啊，用熱水煲10MINS就食得啊。好耐冇食過飯啦，今晚就試佢啦。

見MELODY前幾日整左個蕃茄湯飯，咁我都學下啦，材料有蕃茄﹑蛋﹑蝦﹑飯。

呢個就係我煮出黎個樣啦，係唔係好得呢個樣???

始終方便飯都唔係平時電飯煲煲個隻飯咁好食，D飯煲熟左都好硬同唔好食。同埋平時就家好明顯冇咩點洗過米，落左極多飯煮囉，飽到我死死下。而且雪藏蝦好有雪藏味囉，唔好食。整體得四分，味道又唔夠濃。

食完三粒鐘，個肚仲漲緊同飽緊，撐死我啦。

真正既野餐

難得的星期日假期可以睡晚一點，原本約了其他WHV十二點等，將時間改到一點半。之前幾日，日日早起身比醫師叫去PENNEYS買野，放假終於可以訓返晏D啦。

不過中途都起左身打比屋企同豬珊，今日係父親節，明明平時在HK都不會特別注重這一天，(因為我重母親節多D)，但早幾日一直提自己今日打返去同爸爸講：「父親節快樂」。姐說下年要齊人過，原來今年老弟去左做PART-TIME。


中午去左PHOENIX PARK，係愛爾蘭最大既國家公園，大到基本上都唔會行曬佢，上次都係行左少少就出返黎，少少既路都成兩粒幾鐘GA。聽說在傍晚時分會見到鹿同熊出現啊，不過邊有咁多既耐性等啊，haha~~

一到公園入面，搵返個靚位坐得，齊齊人食我整既熱狗，好有野餐FEEL啊，上次同RAYMOND 去個次，出面落大雨，係車上食，都唔係好似野餐既感覺。今次真係坐係草地到GA，唔知遲D有冇機會坐係草地到睇下書咁呢。

有個人爬左上去做動作，佢知我想影佢，擺返個POST FOR我去影，NICE。外國人有些真係好鬼好人，有些就。。。。

之後齊齊去TESCO買餸仔返家煮飯食，買左PIZZA唔識開焗爐，打去問MAGGIE點用，學識左點用啦，下次可以在家焗PIZZA食啦。我抄左碟瓜+牛肉球啊，我發現我成日覺得自己煮D野食都好好味，唔知呢D係唔係心理作用呢???



拎行李

星期六，D客仔真係排到滿曬，由開店做到打样。仲要五點幾來左兩個WALK-IN客仔做MASSAGE，臨放工都唔放過我，累死啦。

今個WEEKEND返返去DUBLIN那邊，因為自己既行李放左係朋友家，今天要上去拎返才肯。因為冇衫著啦，我會忍唔住走去買啦。

我發現我自己真係一個路痴，我唔識得走捷徑，往往兜一個大圈才找到要去既地方。算啦，走錯走得多，才會認得路MA。HAHA

晚上去了一間西餐廳食，好野。有人飲GUINNESS，我係飲橙汁的，乖乖女啊。

食左個BURGER餐，塊肉好鬼厚，飽死我啦，兩個人埋單都係28€，多謝曬。好似都係第一次係愛爾蘭餐廳食，(EXCEPT 快餐廳啦)

薯條好好味，係我中意食個隻啊，又肥又矮。

壞掉的牛肉

這兩天，醫師都超早叫醒我起床逛街去，累死了。她說明天不去，可以訓多成粒鐘啦。

出門時，醫師問我擇偶條件，唔洗唸都識點答啦，又高又帥的外國人。哈哈，她說她朋友的兒子二十七歲，在愛爾蘭出世，香港人，同愛爾蘭人差唔多，為人老實，省錢，有房子，有車子。高帥就沒有，問我想唔想介紹下。即刻話我要外國的帥哥啦，其實我對鬼仔就一般般，冇咩特別咁想要既，但呢個係好藉口去推塘。

醫師還說，如果岩既話，叫老闆調我去CAVAN個邊，咁就可以成日見到。唔好玩啦心唸，如果見到對方樣子很不行，怎樣去推人啊。寧願睇都唔好睇啦。

醫師今天買了一件性感睡衣，她說她要逗一下她男友，真的笑死啦。還叫我下班去買。幸好，去到D款唔岩JA，不過都想買件舒服既料著。

回到家整個肚子餓到死死下，食左YOGURT + 蛋糕仔 + 蘋果，先去煮今晚既晚餐。原本想煮埋D牛肉啊，上次買個盒牛肉一個人食左3日都未食完，唸住今晚食埋佢，一打開，牛肉變左黑黑地色既，打死都唔敢食啦。係唔係開左包裝D牛肉一定要放冰箱GA??? 因為我放係下層的。

 

明明工作不是要太勞動力，家下好似愈食愈多咁，肚腩仔都出返少少出黎啊。OH NO~~ STOP啊，不可以變大啊。

今次既螺絲粉，用左蕃茄味既SOURCE整，上次個個用左兩次就用曬。今次醒水，慳D用啊，落埋真蕃茄再加少許水，味道都係好濃既蕃茄味，好味啊。

岩岩打左比肥雞，收線之後先醒起HK TIME四點，真唔好意思啊。哈哈

人生第一個TIPS

今朝在睡到濛濛之中，醫師說天氣好出去，我以為是去散下步啦，因為之前她說了很多遍。點知，係晨早去PENNEYS買野(九點開門)。

又見到減價野啦，3€件外套，可以FOR平時在家穿啊，可以取代我件黃色外套啊，因為成日著到好DIRTY啊。YOHO

十一點多，見沒什麼客人，出去派一下傳單。晨早樓樓又見到阿威啦，超不想見到他。走過黎問我有沒有興趣，下班之後去他餐館兼職，沒有事啊，咁我咪會做死左囉，我又不是視錢如命。跟他說，我工資很高，不用兼職。其實他問了我很多遍，昨天問完醫師，問完我，今天又問。煩死。

中午時，醫師說見到他在出面看了很久，幸好我在樓上做MASSAGE。真的超級討厭，醫師說下次見到他，叫我叫他「威叔」笑死啦，肯定這樣氣死他，哈。

醫師今天一直拿威叔開玩笑，他成為我們笑的點子啊。

醫師今天為了個老太太做CUPPING+MASSAGE，她說那個客人的背好髒，她拍她的背，見到好多DIRTY野飛起，佢做完之後去TOILET吐，還說嘔心死。她原本還想叫我去看的啊，笑死我啊，如果係我做，我會想帶手套啦。

今天累得要命，做了三個MASSAGE，一個二十，兩個十分鐘。我左手超級累啊，我怕斷手啊。不過，今天超級開心啊，因為我這份工作受到肯定啦。

事緣我同一個女人做10MINS MASSAGE，佢比左1€比我做TIPS，人生第一個人地比既TIPS啊。以前做PT都未做過一D有得收TIPS既工，家下在異地收到啊。開心的不是收錢，而是別人給既鼓勵。我想儲住佢，等做完呢份工，睇下有幾多錢，想買一樣特別既野去紀念佢。

今天晚上又是吃那個ROLLS，好飽啊，吃了三天，終於吃光光。我覺得煮了三天ROLL的材料進步了不少啊。又邁進傑出家庭主婦一步啊，呵呵。

下班，醫師說又去PENNYS逛多一遍，我又輸了，見到一雙高跟鞋，又是打折的。我發現我常在PENNEYS買打折的。盛惠6€，超級無敵平易啊。

跟自己說每星期只可以用60€，由星期天開始計，第五天已經用了64.67€啦，幸好餸已經買曬。

這份工作是包住的，電費﹑上網費是不包的。

每個月上網費要20€，FOR 5G；

今天電費單寄來了，用了七天，要成 8.35€，一日要用成 1.X€，好貴啊D電費，我已經在減價時段沖涼啦。唉~~

SELL KEEP FIT PRODUCT

今日黎左幾個WALK-IN既客仔，原本唸住早上有空，去派下傳單，誰知一整天都不用出去。做了一個二十分鐘既MASSAGE，手都斷咁濟，累死啦，隻右手真係堅痛，我怕之後有後遺症啊。

臨放工，有個客仔問減肥藥，我用我僅有既英文，因為第一次SELL PACKAGE既藥，竟然成功啊，好開心啊。佢買左兩盒KEEP FIT TEA + MEDICINE(32€+60€=92€)。有兩種藥比佢揀，佢問我邊隻好，我點會封自己之後既路，因為一隻剩返一盒而已，叫佢試左個隻先，食完一個月返黎，再試第二隻，好醒啊我。

之後醫師同我講佢同個客仔做針灸時，個肚不舒服，放左個屁，笑到我地兩個死死下。今日醫師超開心啊，因為佢尋日冇陪他男友一天，他男友緊張得要死，還給她一天CALL三次，跟我說要吊一下男人啊，好好笑啊。

尋日派傳單時，識左個做餐館叫阿威，佢今日黎左診所找我囉。醫師話見到他，在門口看了很久才進來，剛好我在樓上食LUNCH，不用跟他說話。醫師說他不斷問我的東西，問我在HK做什麼，問我有沒有做個餐館。想叫我過去做，有病的，好好地坐係到唔做，為何要過去咁辛苦啊。還叫我「小妹」，不要裝熟啦，醫師即刻叫我找D病歷出來，係佢面前扮忙，等佢快D走。醫師說他之後會成日來，點知隔左一粒鐘又入過來。我知這里既中國人難找老婆，但不要煩我啦，請回你地既老家找啦。醫師還教我，下次他問什麼問題，都有意無意加個「男朋友」入去，等佢知難已退。

今天晚上的晚餐跟昨天既一樣，因為開了那個卷卷，要在三天之內吃掉，一包八塊，即係要食足三日，好灰啊，三天都食這個。

有牛肉食

昨天晚上十一點便睡了下床，感覺睡了超多，超爽啊。今天都是派派傳單，按按摩﹑拔拔罐這樣的過。這份工作真的超級不忙，每天都是發下呆過日子，所以寧願出去派傳單沒那麼悶。

派傳單時，認識對面那間中國餐館的阿威，他做廚房的，他以為我是台灣人，給他幾次機會還是估不到我是那個地方的。在這里很難見到亞洲人，所以一見到大家都會有種突然親切的感覺。

這份工作一個月有1300€，一個月儲1000€，一個月用300€，其實都幾好洗，一個月都有7X€用，其他錢用黎儲黎去旅行，我要努力工作先得。

放工同醫師去TESCO和ALDI買東西，買我們這一星期的東西，買了很多東西啊，超久沒吃肉，買了牛肉吃，好開心哦。醫師叫我吃的東西不可以買太便易，今日買埋D洗頭水同淋浴用品，原本看中了超平的，但醫師話要埋有牌子的用，買了比原來看中的貴兩倍多。

抱住兩大袋東西回家，一齊煮飯食，醫師說今天不去男友到，有人在家陪我啦。

我發現我煮餸這麼多天沒下過鹽住啊，覺得自己超健康啊。醫師這個餸的顏色看上去很好吃的樣子，哈哈，實際都咁好食。我覺得自己好有煮野食天份。

兩個卷﹑一個蘋果﹑一個果汁，今天晚上超豐富啊，未煮飯前係TESCO買了個腸仔包，今天晚上飽得超死。

食完之後，同醫師係圍住個廳跑步，好開心啊今日。

男既冇肉，女既硬曬

今天早上醫師跟我說，昨天我把雪櫃既電制關左，點解我一D印象都沒有既。

這個星期好像客人比較少啊，出街派傳單，人好似沒咁多咁，仲要有個婆婆同我講：「NO, NEVER AGAIN。」個TOWN咁細，其實成日出去派，行黎行去都係個堆人仔，悶死我啦。

中午，派了一會，醫師打電話叫我返去，有客仔做MASSAGE，男既一塊肉都冇，女既肌肉硬曬，超難按囉，按死我啦。同個女既說，佢D肌肉好硬，要做下D TREAMENT先得，佢真係轉頭問醫師有咩TREATMENT可以做，好開心啊，隨便既說話，人地真係會聽WO。聽日多個客仔啦，今日生意不多，可能平日關係，明天繼續努力才行。不過今日按個兩個客仔，真係難按囉，攪到我手痛，用好多力先按到。

愈來愈喜歡這份工作啊，又不辛苦，成日發下白日夢咁，仲可以成日出街派下傳單冇咁悶。不過，最難都係SELL PACKAGE﹑賣藥講FUNCTION，希望之後愈來愈熟啦。

臨放工時，悶到自己搵掃把掃地，見到好大個蜘蛛網，用掃把拆左佢，千奇唔好返黎搵我啊。

今天晚上都係螺絲粉AGAIN，材料跟前天既一模一樣，我唸仲要食多2-3餐先食曬，這樣也好，這個幾天都不用買東西，呵呵，慳錢。

問醫師要唔要ONION，因為實在太多既關係，本身自己又唔中意食，想快D煮曬佢，感覺冇咁浪費。比醫師話一睇都知我平時在家冇煮開餸，原來生左根出黎既ONION冇用的，因為佢D營養已經生左出黎，咁我要佢條根黎煮咪得囉???? 連煮螺絲粉都落埋落去，加油啊，快D清曬佢。

TARA N DEBENHAM

尋晚半夜2點幾隔離屋好似有個男人飲醉左咁，係出面係咁大叫，加插左好多個 FXXK ，簡直擾人清夢。

今朝如常八點起身開熱水爐煲水沖涼，再一次怨恨呢到既爐，做咩事唔用HK個D一開就沖得，幹MA要煲水。沖完涼，吹乾個頭，再大覺睡，都不是睡好多，睡多1.5小時，就要起身梳洗。

見出面下雨，打去問醫師仲去唔去，她說可以去SHOPPING CENTER，人家都安排左比我，冇理由REJEECT既。即刻沖落樓整BURGER給RAYMOND同自己。(答謝他今日帶我去玩)

呢個BIG BURGER係FOR RAYMOND既，因為佢要求有TOMATO同ONION，我係後面個兩個SMALL ONE。我都係咁大個女第一次整BURGER去郊遊，以前成日都會好想咁樣做，但最後沒有一次真係成功去到，估唔到在異地做，哈。

第一站去TARA，呢個係ST. PATRICK，RAYMOND講左D有關呢個野INFORMTION比我聽，但我聽唔明囉，哈，反正我都冇咩興趣，唔聽都冇所謂啦。

由於出面不停咁下雨，拍左架車係個草源前面，坐低食我整BURGER，他仲買左HOT CHOCOLATE比我飲，仲有好多棉花糖的，估唔到朱古力入面會有棉花糖，好得意啊，我估係佢另外加錢買的。佢就飲BLACK COFFEE，知道我唔中意飲COFFEE。

坐左係架車到傾計都傾左成粒鐘，感覺都唔係傾左好耐，但都有成粒鐘。呢度既時間有時都過得幾快。

下一站去左DEBENHAMS SHOPPING CENTRE行，見到上次係NAVAN 個邊既SHOPPING CENTER睇中既SUNGLASSES，BUT佢沒有新的，唯有過返呢邊先買。

今日既得著，係PENNEYS見到上次睇中既皮褸，今次仲係黑色TIM，SIZE又岩，即買，因為之前一直好想要件皮褸，哈哈。原價成23€，因為斷碼關係9€，我覺得呢度瘦人係有著數D，成日都有好多斷碼衫，哈。入面個件間條都係斷碼，盛惠2€，我而家開始擔心回HK個喼會爆曬冇位TIM。

之後去DUNNES STORE行，因為突然好想著工人褲，貴都要買返條著，係HK有工人裙，SO今次揀褲啦，盛惠18€。一千零一件岩我SIZE，搵死我啦。心情有點不好，買東西獎勵自己。

就係呢個商場行左成四粒鐘，中途跟RAYMOND係PENNEYS失散左，因為太多人關係，我又沒有佢電話，搵左好耐先搵到佢。行到超攰，跟RAYMOND說要返家，佢知道醫師中意食SWEET，佢買左夾夾糖比佢，仲話買埋比我，但佢今日帶我周圍去玩，都唔好意思要佢破費咁多啦。

原來外國人都會係自己地方迷路GA，RAYMOND唔記得佢架車拍左邊，係個商場兜了幾個圈，問下人，再係外圍兜下先搵返佢架車。攰死我啦，不斷跟他說SO SAD。

今日成功打到比豬珊同肥雞傾左陣電話，SHARE MY LIFE N MY THINGS。I MISS ALL MY FRIENDS，要你地一直聽我"咇LI巴喇" 不斷講講，愛死你地。

因為HK家中換了新COMPUTER，終於有眼仔啦，尋晚約左佢地唸住今日HK TIME 5PM傾計，點知細佬話要HK TIME 12AM(因為MUM呢個鐘數先返到家)，但今日要郊遊關係，REJECT左。剛剛回到家，細佬話我聽老媽子好DISAPPOINTED，聽到好想哭啊，我都不是故意的。

離開HK前為左逼開某人，佢不斷有顯示NO. OR 無顯示NO.打黎都唔敢聽，就連D VOICE MESSAGE都唔敢聽，連出家門都害怕被埋伏。家下終於過到黎，佢冇我呢到電話，成個人鬆曬。之前陪另一個WHV買電話識了個"咸蝦仔"(CHEAP CHEAP電話叫咸蝦機，賣電話的就叫仔啦，呢個係其他WHV改的。)，明明我跟他不是同鄉，又不是我買電話，為何總打電話給我，我好忙的，差不多日日都有兩CALL，希望KEEP住唔聽，會唔再打黎啦，在異地原來都不可以亂咁給電話人，呢個當係教訓自己既STUPID。

拔針

今天既客人由10點忙到五點才透到氣，但見營業額高返D都值得既。其實我真係唔係咁忙，好多時間都有發下夢，因為都是醫師做的。

今天我做了一個CUPPING﹑兩個半既MASSAGE，其中一個成二十分鐘，手都痛埋啦。醫師叫我幫RAYMOND拔針，簡直標冷汗啊，心入面超害怕，但又唔可以表露比醫師同RAYMOND睇。祈左禱先入去，同自己講IS OK。幸好，都不是太難，而且好似幾好玩咁，哈哈。下次有人拔針叫我啦.....YOHO

放工，RAYMOND車我去DELI買餸(因為佢都要去買佢一個星期既食糧，順手車埋我)，因為明天RAYMOND帶我去遊下NAVAN，醫師叫我整返個三文治比佢食，佢竟然話要有ONION，鬼識煮咩，問返佢點煮，算啦，明天先想辦法整啦，應該都唔係咁難既。

呢個就係我今日買既野，唔知點解排隊個時見前面買一大堆野都係10€，我買幾樣野就9.X€，我覺得自己好似對價錢唔係咁敏銳，好似成日都唔唸清楚先買。

黎左NAVAN第八日，我已經用左65.23€(成HK$700幾蚊)，我覺得自己好似真係好過份咁啊，有咩理由買餸用咁多，而且仲要食唔夠飽。下個WK開始，我要認真價格，唔好成日唔記D價錢，同埋成日買貴野都"曚星星"。

呢個係我今餐既食物，螺絲粉，材料有磨姑﹑火腿﹑蟹柳﹑ONION﹑PASTA SOURCE。

好好味啊，覺得自己好捧，每天都有想食咩好，好開心啊。整一碟就有左我大半支SOURCE，點解一個人煮野食咁貴既。我懷疑我自己煮一餐都要成2-3€。下星期開始只可以用10€FOR FOOD(一個WK)。應買則買。承繼節儉既美德。

我的第一個客人

今日一早返到去做錯左兩樣野，心情灰到爆，什麼都沒有心情。其實都不是大不了的事，只是人在異鄉DOWN既情緒湧得特別快。食完LUNCH之後，去左派LEAFLET，其實我都幾鐘意派LEAFLET，因為不用站定一個位置，可以周圍邊派邊行。

之後醫師打電話叫我返去，因為有客人來了。中間既時間超空閒，返左去之後D客仔一個個咁黎。醫師早上說如果有一D肉地既女人黎，就叫我去試下去同佢做MASSAGE，點知四點多真係有一個女人入左黎，佢係我既第一個客仔，醫師話我第一次同人按應該會不舒服，所以按耐點，我想應該係BALANCE返呱。不斷問佢要唔要大力D啊﹑舒唔舒服啊。佢係咁讚我按得好，哈哈。

個女人走左之後，五分鐘都冇，佢帶左佢老公來比我按，佢老公累到訓著咁濟，仲係咁讚我按得好，哈哈，係唔係真係咁好啊，比人讚太開心啦，心情由低升返上起。BALANCE返TIM。公司既MASSAGE就係用黃道溢當藥酒咁揉，幫人按完成身都有藥酒味，好似個老太婆咁。以前平時在家連白花油都唔想塗，弄傷都是叫老媽子幫我塗藥酒，家下黎到異地幫人按摩，都有點灰灰，不過為左住呢間屋(FREE ACCOMMODATIOON)，同係鄉下生活，為左咁我就要努力啊。

放工去左TESCO買了2盒FRUIT JUICE，2.3€FOR2，應該都幾低啦，已經買最平既TESCO牌啦。回家煮飯仔，發現根本就唔夠今晚同明天中午既餸，唯有晚上食少點，我真係笨，竟然忘記雪櫃入面餸既份量，幸好都有D乾糧係到。

以上就是我今晚同明天中午既份量，好可憐啊我。大家有冇發現我隻蛋令左咁多呢，冇錯啦，係我炒既蛋啦，今次用左油黎落FRYPAN，冇用BUTTER，但我點都唔相信BUTTER係唔可以整炒蛋GA。下次我會再試下BUTTER炒的。

洗埋碗，出左去ALDI行下，睇下有冇想食既餸仔。明天有新菜式啦，唔洗又食炒蛋啦。

未試過九點鐘仲係個TOWN到行，成個TOWN冇咩人咁，不過仲好光，感覺HK 六點幾鐘咁。回程途中，有2個男人同我SAY HI，因為太攰同冇咩想理佢地既關係，SAY HI﹑SAY BYE走人。

由我第一天晚上睡到今晚，總共七晚，醫師只是第一晚有留過家睡，之後晚晚都去左男友家睡，整間房子都是我一個人。晚上太晚都不是太敢出房門，因為真係有點害怕啦。這是我每天晚上最怕的東西。(老媽子竟然提議我買"譚罐"放左房里，真係無言，我已經不是小學生啦。)

醫師說這里既老男人有時會用種好衰既眼神望著你，千萬不要理他們；女人都好NICE的，但不要說太多東西給她們聽；小孩會有時蝦你；不要隨便給電話別人；也不要給別人知我們住哪。

(這都是第一天來到時告訴我的。)

試過派傳單時，有個男人望住個種眼神，有想插盲佢既衝動，(醫師說因為太多中國女人做按摩不太正規，令他們有錯覺。)

試過在條馬路上按手機，給小孩兇我話拎我電話，不過當時聽完呆左仲同佢笑，過左幾秒終於LOAD到佢講咩。

不過大部分人都很好，成日派單張都會有人同我傾下計。今日遇到個女人，言談間佢叫我返CHURCH，星期日十點半，要行成半粒鐘到，不過我好似唔太記得點去啦。因為真係好遠下，希望今晚訓個陣要醒返起點去啦。不過都唔係咁知個間係天主教定基督教啊，因為附近兩間都係天主。星期日試下去睇下先。個女人說我黎左IRELAND兩個星期D 英文好好，佢應該唔知我地有英文堂GA 啦，而且佢講野咁慢就返我。好開心啊，黎到NAVAN有兩個IRISH人讚我英文好。假象假象。

派單張日

今天早上和中午都沒有什麼客仔，出左去派單張，我發現派單張好好玩啊。感覺冇咁悶啊坐係到，仲順手打比埋比老媽子傾電話TIM，都係傾左一陣，明天早上再打比佢詳談啦。媽都是問工作慣唔慣﹑安唔安全既問題，又說唔好有咁大壓力，做到就做；爸就竟然關心我食得夠唔夠飽，實在太睇穿我啦，知我呢個懶人會懶，都唔敢跟她們說連續兩餐食飽。我很開心我可以擁有一個不會給我壓力既家庭，給我做我想做既，諒解我﹑體諒我。

今日RAYMOND五點放左工黎到診所，可以比我PRACTISE CUPPING同MASSAGE，YOHO。手勢超唔熟啊。佢說星期六會再黎，到時又可以再拔過，我要練得熟手D先得。

之前買既面包個EXPIRE DATE係昨天，以前在HK都會成日提屋企唔好食過期野，估唔到家下黎到要食過期包，好可憐啊。因為一個人真係食唔曬一條長面包，又唔想浪費，下次寧願比貴D都唔好買咁多份量既包，只會令自己辛苦。哈

放工去TESCO買餸仔煮飯，今日好想食魚同肉類，實在太久冇吃過啦。因為D肉類調味左的太貴，最後買左SAUSAGE當肉算啦，因為我本身好鐘意食魚既關係，買左價值2.99€，貴都要食啦。

因為本身冇戴風筒黎既關係，去左TEXCO見到5.95€，超平啊，仲平過HK，唔買就傻啦。(話說之前係NAVAN一間電器店見到有19.9€，都唸住價錢OK啦。一見到TESCO呢個價，都唔洗唸買邊部啦，因為我家下只會睇最平既野。)

岩岩開黎用都好似幾OK咁，五蚊既野唔好要求咁高啦，哈

由於見到朋友仔都係WALL到留言教我煮蛋，原本今晚都有點不想煮蛋，但為左盡快比你地見到我既成果，決定都煮啦。今晚既餸有蛋﹑薯仔﹑火腿﹑魚﹑腸仔。醫師說我今餐既餸好唔MATCH，佢話好想睇下我點炒，哈哈。逐樣逐樣煎曬佢，炒埋一齊咪得囉。樣子都OK，味道都好正TIM，哈。(不是賣花讚花香啦，我覺得我都幾有煮野食既天份啦。)

今次既結果炒蛋都係失敗，我等左好耐都未起泡，我懷疑個FRYPAN有問題的，應該係煎唔到蛋的。另外，我煎碎左我條好貴既魚啊。幸好，仲有半條魚，明天一定要成功啊。

今日買左個1.XX€既腸仔得個8條仔，一餐都食曬啦，但又好鬼好味WO。因為晚上要煮好多餸，第2天上班要帶飯返公司食，因為冇咩時間可以出去食。

我發現我唔可以煮得太好食，因為煮得太好食，我會想食好多，咁樣就會用好多錢啦。其實明明我仲有好多€係身上，好多時候都唔洗咁慳住洗，但我又好想過買平野既生活，活得自在。這種生活就是我想要的。

工作方面，有時候要同客仔SELL下D藥既FUNCTION同SELL下TREATMENT，全都是外國人，好怕語言方面聽不懂，不過竟然天父給了我這份工作，咁應該都係佢認為我可以做到啦。DUN THINK TOO MUCH，如果唔係說會有ANXIETY, DEPRESSION啦。

學做MASSAGE

尋晚很晚才睡，今天整天不斷打哈欠，激死+累死。今天晚上不可以再這樣，要昨天未溫完的繼續。

今天一開店，就有個俄羅斯女人入黎，同醫師閒聊左成大半粒鐘，悶到我就打曬呵欠。但佢地d對話，我全部聽得明啊，但有時都唔知點樣去同人閒聊，呢個真係認真學習啊。(因為佢地d對話真的有點悶)

之前教會姐妹跟我說愛爾蘭口音很難聽懂，我現在居住既地方超多愛爾蘭人，(包括RAYMOND)，真的超難懂啊，只聽得一半囉。(有時聽唔明，就答"OHOHOH"，笑)，唔得，下次要唔明要問佢多D先。

天氣好時，我就要出街外，派下單張，我發現D人幾NICE，基本上大部分既人都會接。派派下又落雨，便回診所LU，聽醫師說今個WK都會成日落雨，下星期才會有陽光。

今日學了MASSAGE(NECK﹑HEAD﹑SHOULDER﹑BACK)的手勢，不斷找醫師練，醫師說等RAYMOND星期六下午來就教我CUPPING，YEAH。我發現做MASSAGE一點都不好玩，我家下期待學下CUPPING，RAYMOND會成為我既白老鼠。

我突然好擔心有客人黎既時候，我聽唔明佢有咩唔舒服﹑要D咩藥啊。

晚上不煮了，懲罰我昨天晚上既懶惰，食朱古力味既餅乾算啦。(其實都係我懶，唔想去TEXCO買餸JA，哈)

第一天上班-CAC ASSISTANT

原本今天早上約了醫師去跑步，但今天早下雨，IRELAND就是這樣，想下雨，下一會又出太陽，我連傘也懶得帶啊。

早了起床，就早點沖涼玩會電腦。昨天晚上太悶的關係由10點睡到早上七點半，好像愈睡愈不夠的感覺。

今天盤點一下，店里所有的藥，數一數數量，抹一下塵，已經用了大半天。期間都有客人進黎買下藥咁。公司里有做ACUPUNCTURE, FACIAL, CHINESE MASSAGEM, ALLERGY TEST, REFLEXOLOGY, CUPPING, EAR CANDLE。醫師我要懂MASSAGE, CUPPING, EAR CANDLE。好像說明天教我啊。

中午時分，有一個黑人走進來，跟我說要什麼CHINESE XXX (我當然聽不明白，呢D藥名啦)，問佢FOR WHAT啦，佢好尷尬咁笑左一笑，(我突然靈機一動，醫師說會有黑人走入黎買中國神油，咁仲唔係佢。) 指住暗角落既方向確認下係唔係先，佢答YES。跟住就搵價錢啦，搵就好鬼耐先搵到，同佢SAY左SORRY，話自己第一日做野，不過佢都唔會比咩不爽既態度我既。呢個係我第一份係IRELAND做既工，第一次自己賣既野，為何不給我賣點好些東西紀念。(認真無奈)

醫師跟我說不想OT，所以盡量每天都要準時下班，我都想啊。她給我一大堆資料看，今晚要睇完先可以睡啊。加油啊我，明天開始學按摩啦。(我們是正規的中醫診所，沒有按摩店那種，SO SORRY，WE HAVE NOT PROVIDED SPECIAL SERVICE，希望工作時不要被問到這些啦。)

下了班，去DUNNES STORE買了薯仔和LUNCH BOX，因為午餐在診所吃，否則沒東西吃呢。之後去了TEXCO，買筆和筆記簿記東西。

今天早晚餐跟昨天晚上的一樣，只是加了薯仔。昨日西芹太硬，今日煲了N咁耐先炒，後來睇到KEE既留言，原來可以炒左加水焗，下次試下先。

今晚食薯仔飽極多，飽到就死啦。薯仔會成為我以後會成為我經常既餸，因為它夠飽，哈。

今日煲熟左D薯仔，先脫皮，脫到手指都痛啊。但我很喜歡下班後，去去超市，回家煮煮飯的感覺，總結我好似都好快適應鄉下生活啊，而且仲要愈黎愈鐘意TIM，我想我暫時很喜歡一個人生活啊，所以我一定要今晚溫好D書，GOGOGO。

NAVAN FAMILY DAY

原本上星期老板叫我今天上班，誰知道到達NAVAN那天才告訴我星期二才上班，因為今天是BANK HOILDAY，只開半天，醫師說老板要省錢，那也是的，我剛剛上班，不省我省誰。

醫師整天晚上都沒有回來，都去男友家，大約今天中午一點多才回來。然後兩個人一齊去店里幫她開門。她一直說我很高，可以鎖到對門，我都唔想生得咁高GA。

去到NAVAN店里，第一個認識的人RAYMOND (IRISH MAN，一個年紀蠻大既人，他跟醫師是朋友，常常都在店里坐著)，他陪我走了出去逛了一圈回來。

這里的一間教堂，好像是天主教的。

今天是NAVAN的FAMILY DAY，今天的人數比昨天(星期天)還多人，整街都見一家大小的

之後返到診所HEA了一會，一個人出左去SHOPPING CENTRE逛，又去PENNYS睇啦。今次見到件皮褸，好平好想買，但我著得唔係咁好睇，所以放棄了。見到副SUN GLASSES幾令的，好似17.5€，如果我做到呢份工既話，比自己獎勵啦。仲會買好多野比自己。(在發下夢SIN，哈)

對於一個TOWN黎講，有SHOPPING CENTRE，入面仲有幾多店舖，都可以讓我走很久，入面好多好令既衫啊。 (唔得啊，我要CONTROL下先得)

今晚醫師都去男友家，又是一個人在家，SO BORING。(不過算啦，反正都是各自在房間)，明天早上約了她八點去散步。

在PRAGUE的HOSTEL見過有人用BUTTER煮炒蛋，走左去買左一盒0.99€既500G BUTTER炒菜﹑炒蛋﹑火腿。用左BUTTER連鹽都唔洗落，又慳返個鹽錢。

賣相都唔差嫁，呢個就係我今晚既晚餐，將西芹炒之前都有水滾過，但都係好硬，明天要再煲軟點。同埋，唔知點解D蛋炒得咁碎既，明天又要再整好D才行。

以上就係我今日買既野，要買洗水液(仲要係99%殺菌個D)，因為尋日洗完TOILET之後，仲覺得隻手洗極都好DIRTY咁 (其實我有戴手套洗)，我唸心理問題，用左會舒服D。

因為要洗碗既關係，總覺得雙手粗左好多，呢個BODY LOTION都係必需的。

BUTTER當油用，都係必需的。

SODA WATER係玻璃樽，唸住買黎當水樽用，SO都係必需的。

現在買東西，都把價錢好耐先決定，我愈來愈變成為一個慳妹，每樣東西都會睇好耐，唸清楚先買。因為這里的東西買得多才有得平，所以要唸清楚自己究竟會唔會食。以蛋為例，2€FOR 18，所以我呢幾餐日日都要食蛋。一日食兩隻，都要食成9日才食完。

聽醫師說明天有很多BOOKING，今天晚上要早點睡才行。明天正式上班啦，我要做好呢份工，ADD OIL。

大掃除

我以後可能要將沖涼時間搬到早上先沖得，今天早上較左鬧鐘八點起身煲水，煲左半粒鐘，D水都唔熱既，下次試煲四十五分鐘才行。為何這里要用煲水才可以沖涼GA。

沖涼之後再訓返，訓到大約十二點幾起身，明明都未開始工作，我已經好似變左隻豬咁懶床，窗外有陽光射入黎，出面是馬路，每一架車經過的聲音都聽得一清二楚，但這里既車不會咇咇聲響，所以都不會阻礙我睡覺。

之後跟醫師去ALDI和TESCO買日用品，我要買毛巾﹑手套﹑洗潔精返家將KITCHEN ROOM AND BATHROOM大掃除啊。真的不知道為何會這樣DIRTY，真的不是太忍受到啊。把整個KITCHEN ROOM清潔是沒有可能既事，一個人會做死的，只把我會用的位置抹抹抹，屋子的地上都是用地氈，所以不用地拖拖地。但又唔知吸塵機在哪，唯有算啦。

TOILET真係超級多塵，馬桶簡直不堪入目，我洗洗下都忍唔住嘔左一聲。因為醫師有私人厠所，所以這個都是我用的。

很多人都說在IRELAND都會做一些在HK不會在的事，以前清潔TOILET同廚房都不會輪到我做既，家下仲要自動自覺去做。我係一個超級大懶人，DIRTY既接受程度可以好高，但家下都忍受唔到，可見有幾污穢。

以上就係我今日買的，呢度仲有PENNYS﹑TESCO﹑DELI。係PENNYS買左床單8€，因為唔熟路，SO連格價都唔得閒睇啦。其實基本上本人實在太懶啦，沒有每間看價錢啊，只是每件需用在超市揀最平的。咁係唔係好穩陣呢?

起身至清潔完都未食過野，整左個火腿炒蛋既BURGER，好好味啊，好有成功感既一日。今日做左清潔同煮野食，好捧啊我。呢一餐係我黎左IRELAND第一餐自己整比自己食的。

洗埋碗都只係六點多，天氣又陽光普照，好似中午時分啊。一個人坐在床上玩電腦，好悠閒啊。因為醫師出了去，得我一個在家中。

同弟談了一會SKYPE，佢又叫我做一些我認為多餘的事，佢想給媽知道我多點事，等她安心點。明明我早上才交待完，很討厭去到這麼遠還被管轄住。自由自由，我要既自由。(算啦，都是發洩下，我還是會照做的。)

同婷婷傾左陣SKYPE，婷婷說覺得在BLOG里看到的不是她認識的那一個我，哈哈，她說我成熟得讓她有驚訝。早跟你們說啦，你們還在瞎擔心，我厲害得很。其實BLOG打既每一樣先係我真正既內心世界，你地都被我樣子騙掉，雖然我偶然會做點傻事，但都只係極微量既機會，呵!

其實我骨子里是一個超級反叛既人，別人說我不行，我偏要做到，不要給我柔弱既外表騙掉。

當然這都不是我一個人既努力去做，是天父一直帶住我去走前面既路，縱然別人都不相信是天父帶領住我，但我一直深信著。他一直讓我有平安既心，我從沒有憂慮過明天的事，因為這一切上帝早已為我去安排了。這份工作是我在報紙看到的，第一份在IRELAND見既工，連面試前一晚都沒有什麼準備，拎住一份在HK PRINT既RESUME(地址﹑電話仲要係HK個邊既資料)。之後還致電過兩份工作，連見工機會都不給予。在那時，我連留在DUBLIN定落鄉都還不知道該怎樣做，但我一直都沒有擔心，縱然我口頭不斷說"明天都唔知點啊?"；"我要快D搵工"，只是一個淨說不行動既人，都可以一個女仔在IRELAND生存。我只想分享我不是一個很捧的人，但是我很幸運認識了一個全世界最棒﹑最明白我所想的天父。

想分享一句金句給你們:

「你們要將一切的憂慮卸給神，因為祂顧念你們。」彼得前書5:7

我不知道這一份工作我會不會做得到，但我只知道上帝已經安排了衪的計劃在我生命里，所以我不會擔心。在這里，我相信我會跟天父之間關係變得更緊密，AMEN!!!