dublin super cup (31072011)

較了十點正的鬧鐘起身，執了兩天一夜的衣服出市區DUBLIN看FOOTBALL MATCH，早在一個月前已訂好了門票。太衝忙的關係連手機都忘了帶出來，激死。

一行十多個WH，第一次睇FOOTBALL MATCH竟然在IRELAND啊，好開心哦。雖然一點興趣都沒有，但在現場看真的不錯。

有兩場的比賽，頭一場是蘇格蘭對愛爾蘭，真係實力有點差太大，悶到差點睡著。

第二場係國際米蘭對曼城，D人跑返快D，冇咁悶。

晚上去海蘭江到食KOREA，但我地冇叫KOREA FOOD，吃左炒餸，十二個人在一個房子里，食滿€100就有得唱埋K，很久沒有唱K啦。唱到聲沙力堨，爽。埋單都係一人€10。

之後去了TEMPLE BAR睇LIVE IRISH BAND，D歌真的不是我們常聽的，希望之後我會認得幾首啦。

四餸一湯

在想兩個人生活要學習互相遷就的，要適應別人既好與不好。所以當兩個人要生活一齊，還有很多功課要學習，忍耐都非常重要，題外話JA。

今日精神狀態超差，因為昨天睡姿不好，而致背部有點痛。在打呵欠啊上班。

下班回家煮飯，今日超好餸啊，一個人煮了蕃茄炒蝦﹑煎三文魚﹑魚香茄子﹑印尼炒飯。

真的未試過一個人煮咁多野食，原來別人第一個反應會影響你一餐飯的心情。下次食水煮算。

仲煲菜瘦肉湯，很久沒有飲過這類湯啦，好想飲花棋參瘦肉湯啊突然之間。

明天放假，要早起出DUBLIN 看足球比場。

AVRIL LAVIGNE香水

今日ANNA在老細面前哭著訴說她的不滿，感覺她在電話跟老細COMPLAINT沒有用，當面用淚水裝樣子，有點嚇親，但心想真的有點誇。一場同事，都不用這樣啊。

放工去CARA PHAMACY睇香水，家下全店有八折，試過幾隻味，發現AVRIL LAVIGNE的好SWEET，係我中意既味道。原價22EURO，八折左17.6EURO。好香啊。

之後去DUNNES買埋D芝士火鍋既材料就返家食LU，今次冇上次食得咁極，有節制到。因為上次食完第日肥左4.XX磅，怕變大肥婆啊’

蜘蛛跟住走

今日做野時發現自己張台出現過兩隻蜘蛛，之前都未見過，懷疑蜘蛛痴在係我身上由屋企跟左我返工。希望真係唔係啦。

放工去了買餸，原本想買茄子，但成4.XX EURO，點買得落手啊，咁貴。下次有平先買。

成九點多才開始煮飯，食完都十一點幾啦。未試過咁夜食啊。

岩岩發現房的窗子是可以看到里面的，換窗簾啊。強烈要求班不負責任既房東。

發現做GEL NAIL，可以好多時間同客仔講野GA，要好好TRAIN 英文，加油。

明天芝士火鍋AGAIN。YOHO，向肥婆進發。

伯伯做手部護理

這里的女人都係注重手部護理的，她們自己本身會去下死皮，所以幫她們時都會看到的。

今天幫了一個女的做，之後見到RAYMOND，叫佢比我PRASTICE下，男人手真的DIRTY啊。

後尾有個伯伯係出面見到RAYMOND做，以為好多男人都會做手部護理，咁就吸引左個伯伯做。伯伯是放羊，超DIRTY，請到我死死下。

今日下班OT，之後趕回家搬屋。

這一個月住了四間房子，搬了三次屋，很討厭啊。由NAVAN﹑CAVAN舊屋13號﹑117號﹑108號。

117是因為業主決定賣出去，而且我地又未簽CONTRACT，所以被逼搬遷。108號都是他們擁有的，看上去比117優雅點，但暗藏蜘蛛網，超多在我房子走動，加上被我燒曬佢地個網，攪到佢地無家可歸，出黎大肆爬行。

個種感覺好難受，有點無助，想哭。祈完禱﹑沖埋涼感覺好很多。

另外，在愛爾蘭是信奉天主教的，教堂都處都係，找基督教教會的，不是有人介紹都難找到的。ANNA個朋友(中國人)是基督徒，說下次帶我返，又搵到教會啦。YOHO

鄉下生活挺快樂

在DUBLIN市區的WH，每天都過著有GATHERING的日子，大家常每天都聚在一起食飯﹑玩CARD GAME。而我呢個鄉下妹，早已習慣一個人生活，有時回到多人的時侯會不習慣，不知怎樣跟她們熟呢。

一個人去買餸﹑煮飯﹑上網﹑聽歌﹑看劇，我反而很喜歡這樣。每天想怎樣就怎樣，初時落鄉，頭兩個星期都想著市區的每一樣，但現在這里才是我真正的家。我決定要愛上佢，每天都讓自已過得快樂一點。再多不滿意，也要撐過去。

唔知點解，我煮每一餐飯都要成一粒鐘，但LOLO半粒鐘就整完，睇黎我要加快D個煮食速求先得。

今餐係生菜﹑薯仔﹑蛋炒粉絲 + 金菇肥牛卷。

最近每天，都想不同的餸，冇理由每日食PASTA GA，因為食得多都慢啦，星期天出DUBLIN要去ASIA MARKET買多D食物回來才行。YOHO

聽著叮噹的幸福草，之前聽了很多遍，還是覺得好聽。吃著媽寄來的綿花糖，好味道。

豔陽天 花園 汗濕他的臉
純真是我十七歲掛念那男孩
亮晃晃 時間 拉著青春跑
跑過了午睡醒後操場的喧鬧
他找到 四葉幸運草 他給我 萬分之一的緣份
多奇妙 愛心形的微笑
在我掌心裡 輕輕飄
幸運草的夏天有他陪著我迷路
喜歡當時小小幸福就是愛情的全部
那天一陣烈日 一陣大雨 一整個下午
他的汗水滲進土裡為我綻放 心的禮物

他找到 四葉幸運草 轉載來自
他給我 萬分之一的緣份 多奇妙 愛心形的微笑
在我掌心裡 輕輕飄 幸運草的夏天有他陪著我迷路
喜歡當時小小幸福就是愛情的全部
那天一陣烈日 一陣大雨 一整個下午
他的汗水滲進土裡為我綻放 心的禮物
一轉眼成長了 散了 沒結局的傳說 他記不記得
幸運草裡藏著的詩早已經模糊 愛情卻在每次淚乾之後越來越清楚
直到書籤破了 花園拆了 我也不再哭 才懂得了有個男孩曾經為我 全心付出 

魚香茄子+炒面

 今日老細同ANNA係房傾左好耐，唔洗偷聽都估到大約講D咩啦。之後他跟我同LOLO說要遷就一下她，不要罵架，我們根本都沒有跟她吵過，是她找喳的。

LOLO說老細是馴獸師，因為今日老細來過之後，ANNA對人都沒有再黑面和說些不好的話，還笑笑的。

出左去幫老細買雞腿食，返黎有個14歲既妹妹等住我同佢整指甲，SHAPE + PAINT，€12，因為第一個客仔，所有野都做齊曬，去死皮﹑磨甲型﹑塗指甲﹑TOP UP。差唔多做左成粒鐘，老細話做10MINS MASSAGE都有啦，OH NO....D GEL都未齊，齊左一齊OK。我要努力做好呢份工先。那里適合我，我就會留在那里，唔開心既野過左就算，唔好再去唸，我信自己好快冇事的，天生樂觀主義既我。GOGOGO

晚上，去了PORK MICE﹑生菜﹑YOUGURT，便回家煮飯仔。尋日在DUBLIN ASIA MARKET買了魚香茄子醬，把茄子炸一炸，抄豬肉，放醬，再放茄子，超好味啊，估唔到第一次整就超成功啊，我想我真係天生既煮野高手，哈，好唔知個羞字點寫囉。

另一碟係豬肉﹑生菜﹑蛋粉面，好耐冇食過咁中國既炒法啦，食到我超飽啊。

返房時發現蚊子，原本想殺死佢，唔知係唔係跟亞洲人住埋一齊，連飛行速度都快左極多，追極都追唔到，明明街外既蚊係飛得好慢D GA。

用了€100的日子

因為約了RAYMOND在家門外十點等，九點起床，RAINBOW已經弄好了早餐啦，食得好FULL啊。YUMMY YUMMY，因為平時我都係食一塊面包做早餐JA，有腸﹑蛋﹑肉﹑面包啊，感覺像HOTEL的那一種啊。

由NAVAN出發，十一點多便到DRUNDUM ，因為EUROPE 既SUMMER SALES應該去到今個月尾，家下已經係LAST 尾價啦。好多價都冇曬啦。其實記得既話，我兩星期之都有去過呢個SHOPPING CENTRE的，HAHA。

這件原價€78，折到€25，完全係我喜歡既STYLE，一試上身，超愛啊。

呢件長袖TEE，其實一般般的，但在CAVAN常常陰天，好冷啊，冬天衣服不夠啊，一定買來替換下啊。原價€56，折左之後€25。

之前在NAVAN一早看中了一對HIGH HEEL SHOES的，但沒有再時間返去買，而且在DUMDRUN見到，沒有了那個DISCOUNT和沒有SIZE，唯有放棄。

在TOMMY HILFIGER見到一對半價的，襯窄身牛仔同裙都OK啊，原價€100，折左€50啊。穿上去好穩啊，買貴一點是好著一點的。

之後去了DUBLIN一間SUSHI食，買了一個有兩件三文魚刺身的，€9.85，好貴啊，D飯又唔好食，只為了一解三文魚之愁。

再去D2 個SHOPPING CENTRE，都沒有再看中啦，因為帶來的錢已經不夠用啦，好灰啊，今日用左好多錢啦，仲有一個星期才過啊。SO SAD。

找架吵的女人+回NAVAN

我真係一個很喜歡寧靜的人，在家時最怕家里有吵架聲音，每當有這些吵架聲我就會很想避開，想找一個靜靜的地方待著。所以一直很渴望找到一個不會更會跟我吵架的另一伴，因為基本上我都算係一個很有忍耐力既人，不是去到忍唔到既地方，我都唔會跟人吵架的。

在這邊的醫師，是出曬名一個超級喜歡跟人吵架的女人，一早已有聽聞。原以為她只是在不爽時，不跟人說說話﹑黑黑面而已。今天真的見識到她的厲害，不斷陷害LOLO是她聽錯英文﹑屈她，沒有看過比她盲不講理既人。聽住她"B LI 把刺"吵，真想一個麵包塞落去囉。

雖然又頭到尾，我都是一個局外人，但我感覺一點也不好受，因為她常坐在我前面黑面。恐怖得很，真的超難受。

放工，RAYMOND來了CAVAN接我去NAVAN，去了一間NAVAN都幾出名既LOFT食，MODERN IRISH FOOD，YUMMY。

晚上跟RAINBOW 去了PALACE聊聊天﹑飲了兩杯WEST COAST COOLER(JUST 4% 酒精JA)，要TRAIN一TRAIN我的酒量先得。

開火+芝士火鍋

今日上午超多人，我都幫手做下CUPPING。美甲個度連GEL都未拎到返黎，都唔洗開工先啦。

發現醫師去完大大，又唔沖厠所，一舊屎也黏住馬桶入面，LOLO同佢開火，嚇鬼死我囉。佢仲要話佢冇係公司開過大大TIM....OH NO，冇野好講囉。佢之前係舊屋已經見過係厠所板出現過，家下大家都有私人TOILET，唉。

仲無端端叫仲我入房，幫佢按背同條腿，簡直焗住上，按左20MINS手都攰死，請返我飲一支COKE就算，我收25EURO的。

放工跟JIMMY N LOLO去LIDL買芝士火鍋的材料，行成二十分鐘。 腳仔都軟。

由八點幾鐘打到家下十一點幾都未打完，係到長期作戰ING。肥死啦我。仲要食埋HAAGEN-DAZS做甜品。

玩電腦一邊食影相，YOHO。

今日磅有105.6磅，唔知聽日有幾多呢。肥

胡亂搭一通

其實整GEL甲都幾多人入黎問價錢的，大家都係睇下D價錢比較一下。有人入黎問延長價錢，我完全都唔知點做，是但講左個價錢啦。發現相比其他店便宜囉，佢返黎我就死硬啦。

都唔理得咁多，發現真係冇咩人會SHAPE﹑PAINT﹑WRAXING的，個個都係問GEL甲既。材料一個都沒有都唔知點做。老細幾時先搵到D GEL比我啊，呢到真係咩野都唔齊全。

今日又係去死皮練習，買了個V型款的用具，幫醫師ANNA同LOLO弄，都把她們的手弄到流血。唉~~真灰。

都唔知幾時先有第一個客仔啊，連燈機都冇，啊啊啊~~

因為上班太沉悶關係，把自己的指甲油到五顏六色，哈哈，好爽哦。

已經唔理究竟搭唔搭，因為這里既人根本都不會理的。自己喜歡便行。

HEA HEA生活

基本上呢幾日返工都係HEA，見有客LOLO忙緊都會主動幫佢招呼下D客人，實在悶到都唔好意思SD SMS。

因為燈機只有9W，根本都唔係好烤到，老細拎左個SET套裝返去換。所以手頭上咩野都冇，點樣開鋪做生意啊。

明天點都要搵到一個客仔幫襯，冇生意會比老細殺死的。灰灰灰。

搖身一變 - 指甲妹

今日一早返去就睇GEL甲既INFO，都知道大約點樣整。油下D指甲油係D假甲片到，咁就HEA左一日。發現燈機個WATT數根本唔夠，照左2X MINS都未乾，做唔到GEL甲住。

明天再試手蠟機。今日學識左推死皮，家下住手勁乾淨啊。HAHA

由呢個中醫助護搖身一變做指甲妹，HAHA，感覺挺好，因為呢個都係我既興趣喜歡做既野，如果所有野都齊全就更好了，明天要跟老細說先。

放工去dunnes stores買餸，今日心情不錯，想煮豐富一點。兩餸一湯，個湯唔記得左影，其實係味精湯包。有魚﹑豬肉粒炒瓜﹑陽春面。

食完之後，同LOLO出去幫她們拍片，因為她們要出碟，拍一些幕後花絮。

醫師也跟了去，她聽到LOLO錄的聲音很好聽，之後要求佢地幫佢錄，我成個人忍唔住爆笑囉，係條街唱粵曲，做咩事我突然之間忍唔到笑呢，好樣衰囉。

回家，仲有湯丸食，NICE。明天又要為工作努力，拼拼拼拼。

出差 - LONGFORT

一早返公司將舊鋪D藥放出黎比LOLO點數，摺埋D被子，都成個幾鐘。即刻沖去巴士站搭車去LONGFORT，老細叫我係個邊等，車我去買NAIL PRODUCTS。

我覺得呢度買指甲用品又唔齊又貴，買少少野就已經用左328EURO (仲已經八折左LOR)

成日就咁跟住老細車，買完野去陪佢問LICENSE點整(佢唸住係LONGFORT開CASINO)。

五點返到店，今日放工家里好多人，一齊煮餸食飯，開心YO。未試過係CAVAN咁多人一齊食飯啊。

在愛的第一套戲-HARRY POTTER

一起身等房東哥哥黎拎DOOR KEY比我地，之前講好所有廚具會預備曬和所有野CHECK過曬冇問題先比我地入住，點知咩都冇。

一起身就清潔OVEN N REFRIGERATOR，清潔到死死下。之後仲去埋舊屋執返所有野垃圾還屋，累死。

下午四點多才出去睇HARRY POTTER，這里看戲沒有英文字幕，聲音沒有HK既大聲。因為我有看書，都大約明白說什麼。不過回到HK，我要睇多次中文版先得。

晚上去TESCO，買了5EURO餐，有HAAGEN-DAZ雪糕﹑10"PIZZA﹑一大包薯條。超抵抵。

關舊店﹑搬新房子

整朝不斷喪傾長途電話，打了回鄉下給表弟﹑婆婆他們，老細整個早上都不在店里，又是一個人看鋪的日子，真的寂寞得很啊。

三點多老細打黎，叫我把所有店里的東西收一收，舊店終於今天要關閉啦。都係啦，一日先得三﹑四丁友入黎。

執執執，執死我啦。累死啦。
放工之後，返屋企執行李，搬去對面街的新房子住，安排了在樓下的房子，房間大了﹑乾淨了﹑光猛了。

晚上去了家附近的TAKE AWAY的PIZZA店，食了一個10"PIZZA﹑漢堡包SET餐。FULL死啦。
食飽仲去散散步，累死啦今。

請放低幾両銀子

整個星期出面都在修路，令原本都已經冇咩生意既店舖變得更加人煙稀少。

今日終於開返條路比我啦，終於有返幾個人仔。原本有個客仔係新鋪MAKE左APPOINTMENT的，誰知去了舊店。令原本悶到就黎死既我，終於有D野做下。

基本上每一個客仔入親黎，我都唔會比佢空手而回的，點都要放低幾両銀子才可以走。唯獨今日有個後生仔入黎問我有沒有KOREAN GINSING，完全LOAD唔到佢要咩野。一經查證之後原來佢要GINSENG，OH NO....咁就放過一個客仔啦，我呢度好多人參口服液啊。好笨既我。

後尾老細悶到車我出去睇指甲既材料買，有時都不知道他是認真定開玩笑囉，總之見步行步啦都係。

因為明天MOVE去新屋，這兩天都沒有出去買餸，用僅有既青椒﹑雞蛋﹑雞肉﹑蟹柳整炒飯食。

在這里住了一星期多點，又要搬啦，今次係搬去斜對面的房子。聽說老細唸住租一間房比人，咁我係唔係要同人同房呢??? 答案明天揭曉。

一個不懂照顧自己的女人

老細今日好早返到公司，仲搬埋D野去新鋪，佢都好鬼早起身WO。

佢尋晚成晚冇訓，入左診症室訓左陣之後，走左返屋企訓。淨返我一個人在店里看住，真係悶到飛起啊。佢叫我返家拎電腦幫佢搵D資料，好似幾認真咁WO，真係唸住轉我去做美甲???唔理啦，反正我都想試多幾樣工作。

返到屋企，又見到成碗蕃茄炒蛋放左係桌面﹑又係成堆蚊子，嚇到飛起。垃圾袋又超多，好想快搬屋﹑呢間屋好恐怖啊。

煮野個陣，呢邊個醫師係咁話我煮野食好極，問我係唔係有煮開。我仲企係佢旁邊教返佢煮，感覺好似係NAVAN時醫師在旁邊教我煮一樣。其實一個女人成四十幾歲，又唔識煮飯﹑D野整得又污穢﹑又唔企理，做人都幾失敗囉。唉，真為佢而感到悲哀。

只想快D搬新屋，連厠所都係返公司去，家里的厠所板既屎漬愈來愈嚴重。最後兩晚，沖沖沖沖。

尋晚9點幾訓左落床，辛苦死。今日好返好多，不過都係忍唔住係咁食零食。

LOLO今日都去買左隻雞返黎手撕，佢隻2.XX EURO，話搵唔到我隻雞咁平(1.19EURO)，話我羸曬，YEAH。愈來愈有做師奶既天份啦我。

難以忍受的厠所

今日除左BOOKING客都冇人入過黎，其實都幾難既，出面成條路修路，冇左D車泊車，邊會有人見到我地開緊鋪呢。

尋日返工個陣係咁流鼻水，返到家又喉嚨痛，今朝起身食藥，我想作感冒啦，我不想生病啊。食定藥，今晚要早點訓先得。

一返到屋企見到枱面極多蚊子圍住碗意大利面，唔食就倒左佢MA，放係到好DIRTY啊。去沖涼個陣，發現厠所板有屎，真係好想問你D屎係打橫出黎GA。真係有點忟囉。佢尋晚開完大大，仲要將厠所門關住兼唔沖厠，有沒有忙到呢樣野都唔記得啊。

聽LOLO說，之前佢柯到D屎係幅牆，幾歲啊，仲係到玩屎。好難忍受呢樣野囉。

老細話更年期既女人最恐怖，仲叫我更年期個陣要學識點樣控制自己情緒。

返D到星期六啦搬新屋啦，我要脫離呢間屋，間房漏水﹑有蜘蛛，重要係我唔想同佢共用TOILET。新屋每間房有獨立厠所的。

打折的雞

老細成日都冇返到黎，一個人坐係到都就黎發顛啦。坐係到唱歌，悶死我啦，唔講野會口嗅的。

成日先得兩個客仔入過黎，都會比NAVAN個陣超級主動講野，因為再唔講野我會死的。MAIN PT係點都要比我做返幾十蚊生意啦，唔想食蛋啊。

冇野做等收工既感覺真的很難受啊，以前返工都可以用下電腦，基於GB數有限，怕自己帶返去會好快用曬。真係悲慘啊我。

回家放低個袋即係煮飯仔食，黃瓜炒雞肉，CAVAN這邊的醫師說我做得有板有眼，因為每個見完我煮OR食完我煮的東西都說我求其/ 大雜燴，比人咁樣讚，覺得有點勉為其難的感覺啊。

 我有將D雞肉調味GA，基於醬料有限，只用鹽 + 生抽，都不錯的。

 仲有雞蛋炒飯，我只是想SHOW一SHOW我隻好令既炒蛋，其實我覺得炒得令唔令，好關隻獲事的。

很快煮完之後，出左TESCO睇下隻雞有冇打折，由原價€4.75，打折後JUST €1.19成隻雞，仲已經煮埋，將佢手撕，做WRASP，FOR MY BREAKFAST。其實尋日食完飯都有出去睇，但比人拎曬，今日去仲有兩隻，好開心哦。你地有買過咁平既雞MA，愈來愈師奶啦我。WRASPS有雞肉﹑沙律醬﹑香草。正!!!!

今日公司出面修路，不斷鑽﹑鑽﹑鑽，D塵係咁飛黎飛去，我的鼻癢死，發現我真的對塵敏感啊，整個下午都在流鼻水，辛苦死。之前同細佬講我對塵敏感，佢仲話我懶，唔想做野，我真沒有說謊，流了一整天，現在還在流啊。>.<

雜菜炒粉絲

今朝早上電話突然失靈，禁了兩個鬧鐘都沒有響到，自己又訓到隻死豬咁，幸好有人自己較左鬧鐘叫醒我JA，可以趕得切搭30號「九巴」返CAVAN，如果MISS左，就要搭另一架車程耐D既車。

一上車，都係睡到死豬咁，幸好都識得落車JA。今日返工真係靜到拍烏蠅咁，老細係咁我幫佢搵CASINO TABLE，仲幫佢SD MAIL比賣家，感覺似變左OFFICE做野，不過OFFICE是在大街上的。

晚上一回家就煮野食，尋日係DUBLIN買的粉絲，其實我買錯左囉，我想買米線，以為粉絲係等於米線囉。算啦，當買個經驗啦，下次唔會買錯的。

LOLO(WH)見我煮野食，都說我煮的東西不MATCH，點解我唔覺既。哈哈，賣相OK就得啦。

食完飯出左DUNNES STORES行，睇下有冇咩平野。€5有好多生果係入面，都係想試的，一盒滿足我幾個願望啊。

LOLO說DUNNES STORES入面，GARNIGR呢個護膚品有半價，去左睇啦，左邊既面霜€2.99，右邊既晚霜€5.39。最近爆了少許既蒼，要補下先得。

回家途中被「死飛仔」了，唔想被反應囉。

DUMDRUN SHOPPING CENTRE

中午約了MM出去TEMPLE BAR那邊食LUNCH，原本拍了些照片的，給人轉了另一張SD卡，遲些才POST上黎啦。

之後去DUMDRUN SHOPPING CENTRE，由D1搭44號巴士去，車費都只需€1.8，車程大約45MINS，但我唔覺有搭到咁耐啊。(可能搭慣長途車啦，哈)

先在URBAN OUTFITERS逛先，因為佢家陣做緊超抵價。上網睇到原來呢間係美國既一間BRAND，評價都不錯的。

買了這隻錶，原價€47，折完再折之後，只需€10.8。仲要係真皮黎GA。抵到偷笑，之前個隻破PENNEYS係€1.5，我要把它趺落大海啊。

呢對鞋都係URBAN OUTFITERS買，有三隻色的，本人偏愛啡色，但眼見只剩一對38號SIZE，唯有試其他色，試試下，發現有人將一對37號SIZE放在地上，即係試上腳，好中意啊，唔買唔得啦，盛惠都係€10.8(原價唔記得啦)。

之後去下ZARA﹑H&M之類既店舖行，感覺價錢同HK都一樣，都唔會有想買既衝動囉。

食食雙球ICE-CREAM，食左1.5個啊。即係3球，肥死啦。

再行埋RIVER ISLAND，佢呢幾個WK做緊SALE，其實之前在NAVAN都行過好多次呢間，都冇咩興趣的。

見到MM看了這個雙肩包包，很想要啊，之前在HK已經想買啦。看看價錢都只係€12(原價€40的)，仲要望到MADE IN ITALY，冇可能放低佢囉。

買左三樣野都只係用左€33.8 JA，有錶﹑有袋﹑有鞋。懷著興奮心情搭車回家LU，走了成日，累死啦，沖完涼，十一點便上床睡覺覺啦。明天要早起回鄉啊。

TEMPLE BAR之夜

每個星期都返工返六日，雖然不是很辛苦，但連續六天都要上班，總想在星期天做一些不同的。因為上次回去DUBLIN，沒有見MM，今次知她在那邊，反正留在CAVAN都沒有什麼做。而且知道他們今晚有EVENT。

搭「九巴」出去，由CAVAN去DUBLIN，需時2.5小時上。辛苦死啦。

晚上在他們家食完晚飯，洗完碗，一行十多人出發去TEMPLE BAR。它是在D2區那邊，條街有很多酒吧，約好一齊去見識見識一下。在市區和TOWM真的有點不多，市區跟HK的差不多，但在TOWN音樂不會太大聲的。

之前RAYMON介紹我飲WEST COAST COOLER，咁就試下啦，個味道同JOLLY SANDY一樣，得4%酒精。不過都好飲既。

玩到三點，一行人徹退，朋友家太多人住的關係，在等沖涼過程中，已經累到睡著啦。

太久沒有出市區，感覺變了鄉下妹。

一小時的MASSAGE

今日老細成日都係CAVAN舊店，佢係到忙佢既業務(開賭場既野)，我係出面RECEPTIONIT悶到打曬呵欠，好多客仔都去曬新店，根本就係到拍烏蠅，都唔明轉我過去幹MA。

放工個陣，佢問我識唔識整三文治同咖啡，當然答唔識啦，仲話教我整，叫我之後早D起身整三文治FOR賭場個邊用。心唸，你認真GA???

因為之後舊店會CLOSE，如果他真係搵到睹具，就兩個星期開，心唸，你唔係唸住轉我過去賭場個邊啊??? 我會SAY NO GA，因為。。。。。。

唔理佢啦，總之見步行步啦。

四點正時，來了一個WALK-IN客仔，老細咁岩去左TOILET，佢同我講做一小時MASSAGE，唔係化，叫佢試下CUPPING + 30MINS MASSAGE(TOTAL €53)啦。佢話未做過CUPPING，驚WO，係咁同佢講好過MASSAGE GA。比我說服佢話試下啦，老細去完TOILET返黎啦，唸住CONFIRM一下佢係唔係做30 MINS啦，佢死都話要做1 HR，1 HR MASSAGE + CUPPING，TOTAL€ 90，又話TOO MUCH WO，唔做CUPPING啦。

我根本都未做過30MINS 或以上，鬼知點做，做20MINS個頭，30MINS個背，10MINS雙手，其實手根本就未做過，起勢咁"咪"佢D肥膏，起勢鎚佢成身，冇可能按足60MINS GA MA，想做死我咩。等你下次唔敢再黎。下次收你€70先得。黎到第2日變骨妹啦，POOR ME。

呢個鎮D人係比NAVAN有錢D GA，以前同人講個藥，人地都唸勁耐，成日都會同你講"YEAH，IS GREAT，I WILL BE BACK!!!" 呢到講幾句仔，人地比曬錢出黎買。連續兩日都有人入黎同我講，佢訓得唔好，比個安眠藥 (HV GOOD SLEEPING)+ 消遙丸 (RELIEVE UR STRESS, PRESSURE ETC)，之前係NAVAN都未試過買過呢個組合，係醫師TRAINING個陣教過，係到終於派上用場啦。

晚上弄左成兜雜菜，有生菜﹑青椒﹑蟹柳﹑薯仔﹑雞肉﹑腸仔﹑PASTA，我發現在食野放面成日都食好多，因為在這里買東西真的不大貴，而且在這里工作賺錢，在這里用，都合理啊，不可以用HK既價錢去買餸，如果用HK價錢去計，實會覺得全部好貴的。

老細今朝一回來就出糧比我啦，€1300，好爽啊，咁大個月第一份工資有咁高啊，我要努力儲錢，為北歐之旅準備，因為聽聞北歐好貴，所以要儲好多好多的錢去。加油哦。

漏水的房子

說真的，不大滿意住的環境，房間少得連走動都沒有，感覺比HK房間差不多，又舊。因為我住的地方樓上是浴室，尋晚睡覺時，突然漏水在張床到，攪到訓得半張床。早已聽聞會漏水，但不知會漏在床到囉，算，好彩我是蓋著被子睡的，不會把臉弄髒。

今日老細成日都沒有回來，悶到我一個人飛起，人又唔多個。(因為這里仲有一個月就CLOSE，所有客人都已去了新店)基本上有客人入黎，我都會聽佢地既SITUATION，比佢要既藥。因為太人入黎既關係，我都會好主動SELL下藥，唔SELL會仲悶死我。

基本上成日不斷打電話同SD SMS，明天要帶電腦返去用先得。

不覺幾滿意個工作環境，因為得自己一條友，都幾FREE，哈，又冇咩人。

因為老細遲D在CAVAN開賭場，請多兩個人，所以要搬一間有四個房子的屋。晚上七點約了房東看房子，基本上都好似不錯，但沒有熱水器，又是要煲水的那種，SAME AS NAVAN。

因為CAVAN舊店只有一個月CONTRACT就CLOSE，所以我只會在這個TOWN留一個月，點都好，這一個月好好過埋佢，ENJOY IT，不論苦﹑甜都要開心﹑快樂過。

轉工作地點 - CAVAN

昨天晚上﹑今天早上﹑下班都一直把所有東西收拾一下，因為老板會來接我去CAVAN那邊，跟另外一個WH (RAINBOW)轉工作地方，我去她那邊，她去我那邊。

七點多就來到NAVAN接我去，八點多才到CAVAN，原以為已經搬了新房子。老板說之前他看中的房子，不租給他，他明天再找，屁啦，我要睡小房間。感覺房間比我之前的雙人床大一點點，是我錯覺MA??? 而且感覺又髒。坐在床上感覺有點癢，是我心理問題MA???

我東西超級多啊，老細跟我說過幾天搬大房子，我都不想將東西拿出來，他騙我又好，看著個房子都唔想找東西出來用。

廚房D光線好光啊，廚具感覺比之前的乾淨，不過還是喜歡NAVAN。

在短短四十五分鐘車程，老細問左我幾次去唔去食飯，因為不餓兼想快點到家關係，拒絕了。後來聽說老細會動手動腳，幸好沒有去。

老細又PROMISE我一個月可以回來，不要騙我啊。
看到環境心情有點差啊。焗著氣，忍。

收到老細通知

按這兩星期看，都星期三﹑五﹑六才會較忙，但今日BOOKING本身都好FULL的。但入黎好多WALK-IN客仔，尋日一個做MASSAGE客仔都沒有，今日走左四個入黎，將我做死左。其實可以拒絕的，因為醫師在樓上做ACUPUNTURE，我要在樓下看店，但見今日生意額不斷愈來愈多，想破€500，最後差€8.5才到。其實應該本身破到的，因為睇錯數，收少一個客仔€10。唉，都怪肚痛壞事，突然虛左，痛死。

老細今日打左幾次黎，做緊MASSAGE點聽啊，又打公司，兩個人都在樓上忙緊。真的有點不想打回給他啊，因為RAINBOW早已告知，老細要明天晚上將我地兩個交換鋪子工作。

醫師不斷叫我跟老細講，有男朋友在這里，讓老細不要把我調走，我真的不想說謊啊。但他PROMISE我會一個多月會把我調回來，醫師叫我不要信他，但我會抱著一絲絲希望的。

明天晚上他會車我由NAVAN轉去CAVAN的，由原本一個鐘車程到市區，現在變到兩個多鐘車程，即時距離城市遠一點。

剛剛跟客人熟了，又要走，有點不捨，不捨這里的一切，醫師﹑RAYMOND﹑客人﹑DEBBY一家﹑床 ETC。

初時來這里有四個東西來，走要帶走六袋子。好彩老細有車JA。

今天晚上弄個炒飯食，最後的晚餐在NAVAN，HOPE有回來的一天。
還未打通電話DEBBY，取消明天晚上在她家查經啊。

受不到食物的誘惑

又是好熱的日子，太陽猛到連眼睛都掙不開，好辛苦哦。明明昨天晚上十點半就睡，今天還是很累啊。

客人不多，不過成日聽住D貌似吹眠曲的音樂，不斷令我加速想睡既速度，SLEEPY DIE ME。

晚上食了叮叮飯(得半碗飯的份量，都唔知點解入面得咁少GA，不會再買的)﹑兩舊蕃薯(醫師教了我用微波爐的煮法)﹑餅乾﹑西柚汁(減肥最適合飲啦，好苦囉唔知點解)

之後出了去跑步，要為尋日食多左既努力減肥，出汗。

回家前去TESCO看一下有沒有減價東西啦，見到一大袋薯角減到€0.25同埋兩大隻雞脾€0.24，見到咁平，沒有理由唔買既。

跑完又食返炸類既食物，減肥計劃又告吹啦，明天再努力啦。CONTROL CONTROL。

食﹑HEA﹑食

很早便起了床，便煮陽春面食。因為實在太愛蕃茄薯仔湯啦，用呢個做湯底，而且今次有瘦肉啦，唔洗用牛肉，上次真係食到死死下。

覺得好好食啊，湯好飲﹑陽春面好食。廚藝高手啊我(點都要讚下自己先)

之後出去四處逛逛，見到M記好掛住D薯條啊，好耐冇食過啦。

聽人說D薯條同HK不同，我覺得這里好似好食點啊。

之後又去NAVAN唯一一個SHOPPING CENTRE行，基本上每日都會行，化了灰都記得怎樣行。

行到四點又餓啦，去TESCO買了三文治餐食，€2.5有三文治+薯片+MILK。好抵啊。去左公園仔到食。

呢幾日NAVAN都熱到死死下，不過溫度都只係20'C左右，坐在草園感覺蠻不錯啊。綠綠的草﹑藍藍的天空。

這個鎮仔實在太少啦，轉來轉去都是這幾段路仔。不過我又好喜歡小鎮WO，好矛盾啊。

晚上去墨西哥餐廳食，份量超大啊，一個STARTER + MAIN COURSE都只係€15。價錢都很合理啊，飽到死死下，最後個飯係食唔曬。好浪費啊我。這里還有幾間餐廳都想試下，覺得咁努力賺錢﹑儲錢，都要給自己去食下些好東西，不想這樣虧待自己過日子啊。

今日既行程都係食﹑HEA﹑食﹑HEA，好喜歡哦，呵。影到D相，我變左個包包臉啦，肯定會變肥婆啦未返HK之前。

令我沮喪的雲吞

每個星期都在等這天，返埋今日就有一日假期咁大把，一連返六天工作，簡直不是人的生活。雖然不是很辛苦的工作，但都想放多少少假期MA。

今日做左D低能野，原本想玩玩的心態，那個黑人(買神油的客人)好像誤會了，還認真地留了電話給我，簡直當我傻的。我不會笨到跟你出去啦。

心情不是大好啊今天，因為被說了幾句，其實都好輕微的事，她今天心情有點不好。還是少說﹑少做事吧。

之前託RAYMOND去DUBLIN買東西時，順手叫他埋買雲吞皮，今天晚上就包包它啦。在HK會用的材料：豬肉﹑冬菇﹑蝦﹑光搖柱﹑蔥。在這個材料短缺之後，只有豬肉(全瘦，沒有肥的)﹑菇(食白汁的那種菇，沒有冬菇)﹑蔥﹑彊(醫師強烈建議加入去)。

樣子看上去也不錯的樣子，說真的，簡直狗屁的東西。原全不是我在HK包的味道，感覺食一個雲吞包的瘦肉。好失敗的一道。

這一間是NAVAN蠻出名和多人的CLUB，有LIVE BAND在現場，有分兩層，樓上要收錢的。(聽醫師說的)。這個晚上跟朋友進了去，氣氛也不錯，女的真的每一個穿得好正式和性感，只有我穿得較為隨便，哈。

下次有機會，想去一去小型PUB里，感受一下鄉村的風味啊。

RAYMOND的TAKE AWAY

今天早一小時出門，去RIVER ISLAND 和 PENNEYS逛，每天這樣早起，已經沒心情看啦。因為衣服打折的都一樣啊，沒有什麼新減價的推出。

下班也在街上的店鋪逛一下，我又看中一對高跟鞋，超級美麗啊，我想要啊。但超級昂貴啊，打折之後都要€65。在香港買最貴的一雙高跟鞋也只買過HK$4XX，而且自己又不常穿，只喜歡買。好怕自己控制不到沖去買啊。

今天又一人食掉兩個雪糕，問醫師吃不吃，初時說不吃，後來一吃就要再吃。胖死啦我們。

RAYMOND去了不知明既鎮(其實他有講，不過講左我都唔記得，哈)，回來買了TAKE AWAY給我們，超級感動啊，晚餐省回一餐的錢，他在中餐館買了雜菜給我，好大盒啊，醫師說一般，但對我來說好好味。好久沒吃芽菜﹑茹(圓形個種)。吃完之後唸，係唔係斎店黎GA。=.="

昨天買了魚，想趁新鮮煮左佢，原本想放入去陽春面到一齊煮，但醫師說要這樣煮，才好吃(都不是我煮的，是醫師幫我弄的。)兩個不懂得煮餸的人生活在同一屋簷下。

魚+蔥做湯底，好想吃一下，忍住先，留返明天先試啦。

P.S 剛剛把上個月的開支表計算一下，上個月用了€304.XX。多用了€4.XX，下個月開始不可以多過€300。原本想限自己一個月用€200，不過不用想都知自己沒有可能做到，不要多過€300就很好了。