熱誠漢

都唔明腳痛緊，仲著一對超高既高跟鞋返黎，咁樣即係令自己唔好JA。唔理你啦，唔好煩到本大小姐就得。

今日有個男人一入黎，同我講做ACUPUNCTURE，渣渣淋淋拎FORM比佢填，好少人對針灸咁有熱誠，唔好比水熄左佢團火，"啲"佢入房比醫師處理佢。針灸完出來，同佢講PACKAGE啦，問我有冇得再平D，呆左陣，好少人咁問我，心唸已經係最平。話冇啦，問佢JOIN唔JOIN，今日要比400EURO先有得咁平WO，冇錢既話，我地有CARD機。同我講唔洗，比CASH，拎左兩團錢出來，其中一團就有400EURO。咁搭水既，早知講500EURO個個PACKAGE啦。

以為佢同之前D後生男仔一樣，實唔JOIN啦，都唔知係唔係黑錢黎GA。佢走左之後，拎返D錢出黎望，睇下係唔係假，因為真係好少見有人係我面前拎到咁多錢出黎，除非之前有講定。醫師仲同我講都幾令仔，同雞蛋哥有得比，但我都係覺得雞蛋哥令仔D。HAHA。

攪到我家下好似成日去吸仔咁，我冇GA。

臨近放工，有個貌似醉醉既大叔入黎，話有DEPRESSURE，叫佢做針灸，係咁行到勁埋，個口勁嗅，我行後D，佢又行返前D，已經忍受力極限。叫佢留電話，同我講電話BROKEN，但會RING ME BACK，信你就傻啦，叫佢比10EURO DEPOSIT，話聽日入黎比我，冇戲唱，條友仔急急腳走。早知晨早叫佢比10蚊啦。

放工去ALDI買食物，仲要幫醫師買公仔面和朱古力，我同個菲傭有什麼分別，LUNCH和DINNER都係我同佢去買，菲傭有糧出的。忍﹑忍﹑忍。。。。。

PLAN第一﹑第二﹑第三﹑第四個TRIP，像是天馬行空，所有事都還未落實，但想想都令我很開心。

努力忍多幾個月，你得GA。