生意冷淡

這幾天生活有點苦悶，每天都沒有得上網，回家煮完飯都是開歌聽，係WORK到打下BLOG，睇下MATTHEW CHARACTER，就睡覺。但因為這樣多了時間做一些平時少做的事，也想了很多旅行的事，呵。

講返今日啦，生意超冷淡啊，整天都沒有人入進來，原本五個客人，兩個不來，兩個改時間，只有一個來，仲要係四時四十五分囉，太過份啦，悶死我啦，電話又唔夠CREDIT，傾一粒鐘以上。不過都有打返屋企同老爸﹑老弟傾計。老爸成日都提我跟住自己計劃一年之後返黎，他怕我轉STUDY VISA，不回去。不過，如果我最後真的決定了，他們也阻不到我的。現在才來了四個多月，要是現在決定也太早了，因為我計劃的東西總成日改的，最近又想到些新計劃，哈。

不知道那間中國餐館的一個年青小伙子 (大約二十多歲)，進來問東問西，問完公司D野就問我來了多久，之前沒有見過我。。。。還說六時等我下班再找我，我問做咩要等六點啊，他唔答我走左。不過，最後下班時，都沒有過到黎，超級怪人。

估計應該係做廚房的，因為他問公司的TREATMENT時，我指住PRICE LISTS講時，佢同我講 ''唔識睇''，咁應該係做廚房啦，因為里面不用說英文和看英文的。之前識一個又是二十七歲的男人，初時來到做打雜àWAITERà自己開TAKE AWAYà自己開RESTAURANT。又一個初時英文什麼都不憧，去到家下勁流利，仲請埋鬼妹做員工。一個人不上進，都有眼可以看的，唔好一句答人地 ''唔識答'' ，仲要笑笑口，大曬咩。

不過聽醫師講，因為IRELAND係歐洲咁多個國家，最好賺錢的地方，所以好多中國人來這邊，做廚房工十年回國，就可以返去做老闆，對他們來說，學英文不是最重要，賺錢才是。

不過每個人都只有他自己一套認為值得去做的事，也不可以否斷別人做的是錯。