格陵蘭二手市場

2012-04-28

旅遊姐姐推介今天早上二手市場有鯨魚湯飲，打算去試下！以為這邊二手市場跟dublin差不多，真係不應該對不大發達國家抱有幻想！因為放出來的東西超舊，冇人會要囉！

鯨魚湯嬸嬸沒有擺檔，有一個泰國人經過聽到我地說廣東話，跟我閒談，因為她以前都在香港工作過十幾年，懂廣東話的！知道我地想食鯨魚湯，叫我地去她工作的餐館食！

問她為何這邊格陵蘭人會咁似蒙古人，她說以前蒙古人有經過這邊然後定居下來，不過都唔知真定假，好想上網search下！

這邊本土人是asia face,成個蒙古樣，外國人大部分都是來自丹麥！

題外話:冰島和格陵蘭幾乎都沒有見過黑人出現，可能太凍，不適合他們生活！

之後在附近商場閒逛，啲舖頭真係難搵，是這邊住都幾難找！因為它們不是一堆在附近，而是在路旁零零舍舍幾間，仲要沒有廣告給人知是店！

去圖書館上網，真係悶到爆的旅行！

之後去超市買點chips n chocolate反屋食，咁就用1x euro,物價真貴，仲要係好少野！

回家看電視和睡覺，很可憐的旅行生活，因為這邊星期六很多都是開半天！

竟然去旅行最黃金下午時段在家看電視，Oh No!

睡飽出去晚飯，飲了鯨魚湯，有肉和皮，超腥，食完飯都仲有陣味令我想吐！因為冰島和格陵蘭出名鯨魚肉，都是抱著試試心態，早知唔食，反胃中！

正餐叫了crab-meat fried rice，真想念愛爾蘭的食物！

回家又看電視，真灰！

Published with Blogger-droid v2.0.4